శుక్రాచార్యుడు ...!!

 

🌿శుక్రాచార్యుడు హిందూ పురాణాల్లో రాక్షసుల గురువు.

🌸శుక్రాచార్యుని తండ్రి బ్రహ్మ మానస పుత్రుడైన భృగు మహర్షి .

🌿భృగు మహర్షి నవ బ్రహ్మలలో ఒకడు.
అయన కొడుకు ఉశనసుడు.

🌸ఉశనసుడు వేద విద్య నేర్చుకోవటానికి అంగీరస మహర్షి దగ్గరకు వెళతాడు కానీ అయన తనకుమారుడైన బృహస్పతి పట్ల పక్షపాత ధోరణి చూపుతున్నాడని అక్కడినుండి వచ్చేస్తాడు.

🌿ఆ తరువాత గౌతమ మహర్షి దగ్గర విద్యనభ్యసించి శివుని మెప్పు కోసము ఘోరమైన తపస్సు చేసి మృతసంజీవనీ విద్యను వరముగా పొందుతాడు.

🌸వర గర్వముతో కుబేరునిపై దాడి చేసి ధనమంతా దోచుకుంటాడు ఈ విషయము తెలిసిన శివుడు ఆగ్రహించి త్రిశూలంతోఉశనుసుడి చంపటానికి బయలుదేరుతాడు.

🌿శివుడి నుండి రక్షించుకోవటానికి వేరే మార్గము లేక శివుని దగ్గరకే చేరుతాడు. ఆగ్రహముతో ఉన్న శివుడు ఉశనసుడిని మింగేస్తాడు

🌸కడుపులో ఉన్న ఉశనుసుడు బయటకు రావాలని ప్రయత్నిస్తుంటే శివుడు ఒక్క మూత్ర ద్వారము తప్ప అని నవరంధ్రాలు మూసివేస్తాడు.

🌿అప్పుడు ఉశనుసుడు గత్యంతరం లేక మూత్ర ద్వారము గుండా బయటికి వస్తాడు.

🌸“వీడు సక్రమ మార్గములో బయటికి రాలేదు కాబట్టి శక్తివంతుడైనప్పటికీ శుక్రాచార్యుడు అనే పేరుతొ రాక్షసులకు గురువుగా ఉంటావని చెప్పి పంపిస్తాడు.

🌿ఆ విధముగా పరమ శివుని వరము గా మృత సంజవీని విద్యను పొందిన ఉశనుసుడు శివుని ఆగ్రహముతో శుక్రాచార్యునిగా రాక్షసుల గురువు అవుతాడు .

🌸అదే సమయములో బృహస్పతి దేవతల గురువు అవుతాడు .
అప్పటి నుండి శుక్రాచార్యునికి బృహస్పతి మీద ఈర్ష్య అసూయలు పెరిగిపోతూ ఉంటాయి.

🌿 కొంతకాలము తరువాత రాక్షకులకు వరుస అపజయాలు ఎదురవుతుంటే శుక్రాచార్యుడు తపస్సు చేసి శివుని మెప్పించి కొత్త అస్త్రాలను సాధించి వస్తానని తపస్సు చేయడానికి వెళతాడు.

🌸శుక్రాచార్యుడు లేడని తెలిసి దేవతలు రాక్షసులపై దాడి చేసి చంపుతుంటారు అప్పుడు రాక్షసులు శుక్రాచార్యుని తల్లి ఉశన శరణు కోరుతారు.

🌿కానీ నిద్రాదేవి ప్రభావము వలన ఆవిడ ఏమి చేయలేక పోతుంది విష్ణువు ఇంద్రుని లో ప్రవేశించి రాక్షసులపై యుద్ధము చేస్తుంటాడు

🌸అప్పుడు ఉశన విష్ణువును శపించాలని ప్రయత్నించగా విష్ణువు ఆవిడను సంహరిస్తాడు.

🌿 ఆది చూసి భృగు మహర్షి తన భార్యను చంపిన విష్ణువును భూమిమీద ఏడుసార్లు పుట్టమని శపిస్తాడు ఆ శాపము ప్రభావమే రాక్షస సంహారము కోసము విషుమూర్తి అవతారాలు.
ఇదంతా శ్రీ మహావిష్ణవు లీల.

🌸శుక్రాచార్యుడు ప్రియవ్రతుని కుమార్తె ఊర్జస్వాతిని వివాహమాడుతాడు .
వారికి నలుగురు కుమారులు ఒక కుమార్తె కలుగుతారు.

🌿కుమారులలో చండ , అమార్కుడు ఇద్దరు ప్రహ్లాదునికి గురువులు మిగిలిన వారు త్వాష్ట్ర మరియు ధరాత్రులు.
కూతురు దేవయాని.

🌸 కూతురు దేవయాని అంటే శుక్రాచార్యునికి విపరీతమైన ప్రేమ .
ఆ ప్రేమ వల్లే బృహస్పతి కొడుకైన కచునికి రాక్షసుల అభీష్టానికి వ్యతిరేకముగా మృత సంజీవని విద్యను నేర్పుతాడు .

🌿రాక్షసులు కచుడిని చంపి కాల్చి బూడిద చేసి ఆ బూడిదను సారాలో కలిపి శుక్రాచార్యుని చేత త్రాగిస్తారు .

🌸తన తప్పు తెలుసుకున్న శుక్రాచార్యుడు కూతురి మీద ప్రేమతో తన కడుపులో ఉన్న కచునికి మృతసంజీవనీ విద్యను

🌿 నేర్పి కడుపు చీల్చుకుని వచ్చిన కచుడు శుక్రాచార్యుని బ్రతికిస్తాడు.
కచుడు నేర్చుకున్న విద్యతో దేవలోకానికి వెళతాడు.

🌸 బలిచక్రవర్తి చేత యజ్ఞాలు యాగాలు చేస్తున్న సమయములో శ్రీ మహావిష్ణువు వామనావతారంలో దానము స్వీకరించటానికి వచ్చి మూడు అడుగుల చోటు దానము ఇమ్మంటాడు .

🌿వచ్చిన వాడు విష్ణువు అని తెలుసుకున్న శుక్రాచార్యుడు బలిని దానము ఇవ్వదని వారిస్తాడు

🌸శుక్రాచార్యుడు, రాజు యొక్క గర్వంతో చిరాకుపడి, తన శక్తితో తనను తాను కుంచించుకుపోయాడు  కమండలలోని చిమ్ములో కూర్చుని, దాని నుండి నీరు పోకుండా  ఒక గడ్డిని ఎంచుకుని, శుక్రాచారయ్య యొక్క ఎడమ కన్ను అడ్డుగా పెడతాడు

🌿మహా విష్ణువు అంత గ్రహించి కమండలం నీరు రాకుండా అడ్డుగా ఉన్న కన్నుని ఒక సన్నని పుల్లతో పొడుస్తాడు .ఈ రోజు నుండి, అసురుల గురువు సగం అంధుడిగా ప్రసిద్ధి చెందాడు.

🌸కానీ ఇచ్చిన మాటకోసము గురువు మాటను లెక్క చేయకుండా దానము ఇచ్చి విష్ణువు చేత పాతాళానికి తొక్కివేయబడతాడు.
శుక్రాచార్యుడు కూడా తన శిష్యుని ధర్మ నిరతికీ దాన గుణానికి సంతోషిస్తాడు.

🌿శుక్రాచార్యుడు “ఔశన సంహిత” అనే గ్రంధాన్ని వ్రాస్తాడు.
ఆ గ్రంధములో వివాహల గురించి, కులాంతర వివాహాల గురించి వివరిస్తాడు .

🌸మునులు శుక్రాచార్యుని ధర్మ శాస్త్రాల గురించి వివరించమని అడిగితె వారికి ఇచ్చిన వివరణ తొమ్మిది అధ్యాయలుగా "ఔశన స్మృతి ” అనే గ్రంధముగా రూపొందింది.

🌿ఆ గ్రంధములో బ్రహ్మచారి విధులు, గాయత్రీ మంత్రము, శ్రాద్ధ విషయాలు, గృహస్తు చేయవలసిన ప్రేతకర్మ, అసౌచాము, ప్రయాసచిత్తము, మొదలైన అంశాలకు వివరణ ఉంటుంది.

🌸ఇంత ప్రతిభా వంతుడు, జ్ఞానీ అయినా రాక్షసులు పక్షాన ఉండి నిరంతరము దానవులకు సహకరిస్తూ ఉండటం వలన ఒక చెడ్డ వ్యక్తిగా చిత్రీకరించబడ్డాడు.

🌿అలాగే కూతురి మీద ఉన్న ప్రేమకూడా అయన చేత తప్పులు చేయించింది ..
ఏది ఏమైనప్పటికి శుక్రాచార్యుడు కూడా గొప్ప మహర్షులలో ఒకడు.