ఒకటి నుంచి 6000కు చేరుకున్న ఈ ఐదేళ్ల కాలక్రమంలో, ప్రయాణీకుల సౌకర్యాన్ని విస్తరించడంలో అద్భుత వేగం కనబరిచిన రైల్వే శాఖ

'డిజిటల్ ఇండియా'లో భాగస్వామిగా, దేశంలోని వివిధ ప్రాంతాలను అత్యధిక వేగవంత వై-ఫైతో అనుసంధానిస్తున్న రైల్వే శాఖ

ఈ నెల 15న హజారీబాగ్ రైల్వే స్టేషన్‌లో వై-ఫై ప్రారంభంతో 6000వ వై-ఫై స్టేషన్‌ ఘనతను సాధించిన రైల్వే శాఖ

అదే రోజు, ఒడిశా అంగుల్ జిల్లాలోని జరపద రైల్వే స్టేషన్‌లోనూ వై-ఫై సౌకర్యం ఏర్పాటు

Posted Date:- May 16, 2021

రైల్వే శాఖ మరో ఘనతను సాధించింది. దేశంలో, వై-ఫైతో అనుసంధానమైన రైల్వే స్టేషన్ల సంఖ్యను 6000కు చేర్చింది.

రైల్వే ప్రయాణీకులు, సాధారణ పౌరులను డిజిటల్ వ్యవస్థలతో అనుసంధానించేందుకు సుదూర స్టేషన్లలోనూ వై-ఫై సౌకర్యాన్ని రైల్వే శాఖ విస్తరిస్తూ ఉంది.

తూర్పు మధ్య రైల్వే పరిధిలో, ఝార్ఖండ్‌ రాష్ట్రంలో ఉన్న హజారీబాగ్‌ రైల్వే స్టేషన్‌లో ఈ నెల 15న వై-ఫై సౌకర్యాన్ని ప్రారంభించడం ద్వారా 6000వ స్టేషన్‌ ఘనతను రైల్వే శాఖ సాధించింది.

2016 జనవరిలో ముంబయి రైల్వే స్టేషన్‌లో వై-ఫై ప్రారంభించడం ద్వారా ఈ డిజిటల్‌ ప్రయాణం ప్రారంభమైంది. తర్వాత, పశ్చిమ బంగాల్‌లోని మిడ్నాపూర్‌ స్టేషన్‌ 5000వ వై-ఫై స్టేషన్‌గా నిలవగా, హజారీబాగ్‌తో 6000వ స్టేషన్‌ మైలురాయిని రైల్వే శాఖ చేరుకుంది. అదే రోజు, ఒడిశాలోని అంగుల్ జిల్లాలో ఉన్న జరపద రైల్వే స్టేషన్‌లోనూ వై-ఫై సౌకర్యాన్ని ఏర్పాటు చేసింది.

కేంద్ర ప్రభుత్వం ప్రారంభించిన 'డిజిటల్ ఇండియా' లక్ష్యాలను చేరుకోవడానికి, రైల్వే స్టేషన్లలో వై-ఫై సౌకర్యం తోడ్పడుతోంది. ఇది గ్రామీణ, పట్టణ ప్రజల మధ్య డిజిటల్ దూరాన్ని తగ్గించి, పల్లె ప్రాంతాల్లో డిజిటల్ అడుగులను, మంచి వినియోగదారు అనుభవాన్ని పెంచుతోంది. ఇప్పుడు 6000 స్టేషన్లలో రైల్వే శాఖ వై-ఫై సౌకర్యాన్ని అందిస్తోంది.

స్వీయ మనుగడ పద్ధతిలో రైల్వే స్టేషన్లలో వై-ఫై సౌకర్యాలను కల్పిస్తున్నారు. దీనివల్ల రైల్వే శాఖపై ఎలాంటి ఆర్థిక భారం ఉండదు. రైల్వే మంత్రిత్వ శాఖ ఆధ్వర్యంలో పనిచేసే ప్రభుత్వ రంగ సంస్థ అయిన రైల్‌టెల్ సాయంతో ఈ సౌకర్యాన్ని కల్పిస్తున్నారు. గూగుల్, డాట్ (యుఎస్‌ఓఎఫ్ కింద), పీజీసీఐఎల్, టాటా ట్రస్టు ఇందులో భాగస్వాములుగా ఉన్నాయి.

15.05.2021 నాటికి, రాష్ట్రాలవారీగా వై-ఫై రైల్వేస్టేషన్ల జాబితా:

  

15.05.2021 నాటికి, రాష్ట్రాలవారీగా వై-ఫై రైల్వేస్టేషన్ల జాబితా

క్ర.సం.

రాష్ట్రం/యూటీ

స్టేషన్ల సంఖ్య

1

ఆంధ్రప్రదేశ్

509

2

అరుణాచల్‌ప్రదేశ్

3

3

అసోం

222

4

బిహార్

384

5

ఛండీఘర్‌

5

6

ఛత్తీస్‌ఘడ్‌

115

7

దిల్లీ

27

8

గోవా

20

9

గుజరాత్‌

320

10

హరియాణా

134

11

హిమాచల్‌ప్రదేశ్‌

24

12

జమ్ము&కశ్మీర్‌

14

13

ఝార్ఖండ్‌

217

14

కర్ణాటక

335

15

కేరళ

120

16

మధ్యప్రదేశ్‌

393

17

మహారాష్ట్ర

550

18

మేఘాలయ

1

19

మిజోరం

1

20

నాగాలాండ్

3

21

ఒడిశా

232

22

పంజాబ్

146

23

రాజస్థాన్‌

458

24

సిక్కిం

1

25

తమిళనాడు

418

26

తెలంగాణ

45

27

త్రిపుర

19

28

ఉత్తరప్రదేశ్‌

762

29

ఉత్తరాఖండ్‌

24

30

పశ్చిమ బంగాల్‌

498

 

మొత్తం

6000

 

Release Id :-1719132