అంజనాద్రి

అంజనాద్రి

  

తిరుమల ప్రాంతాలలోని అడవులలో నివసిస్తూ తపస్సు చేసుకునే దైవభక్తులు కేసరి , అంజనాదేవి దంపతులు. 

పవిత్ర ఆకాశగంగ పవిత్ర ఒడ్డున 

దీర్ఘ తపస్సు చేస్తున్న ఆంజనాదేవిపై కరుణతో

వాయు భగవానుడు  నిత్యమూ ఒక ఫలాన్ని ప్రసాదంగా

యిస్తూవుండేవాడు. 

ఆ వరప్రసాద ఫలాల మహిమ వలన అంజనాదేవికి  వానరరూపంలో ఒక మగ బిడ్డ జన్మించాడు.

అతిబలాఢ్యుడైన ఆ బాలుడు జన్మిస్తూనే

అప్పుడే ఉదయిస్తున్న సూర్యుని చూసి అదొక ఎఱ్ఱని పండుగా

భావించి  దానిని తినడానికి  ఆకసానికి ఎగసివెళ్ళాడు.

అప్పుడు సూర్యభగవానునికి ఏ ముప్పు కలగరాదని దేవతలు బ్రహ్మదేవునికి మొరలిడగా

బ్రహ్మదేవుడు తన మంత్ర దండంతో 

అంజనా పుత్రుని  తల మీద మోదగా ఆ

బాలుడు మూర్ఛపోయి పడిపోయాడు. మాతృమూర్త అంజనాదేవి  బ్రహ్మదేవుని ప్రార్ధించింది. బ్రహ్మదేవుడు ఆ బాలుని ఆశీర్వదించి, 

కీర్తి ప్రతిష్టలతో, నిత్య చిరంజీవిగా

అందరి పూజలు అందుకొంటాడని ఆశీర్వదించాడు.

తిరుమలలో అంజనాదేవి

తపస్సు చేసిన స్ధలంలో

వాయుదేవుని వరప్రసాదంగా ఆంజనేయుడు జన్మించినందున ఆ స్థలానికి

'అంజనాద్రి' అనే పేరు వచ్చినట్లు తిరుమల స్థలపురాణాలు చెపుతున్నాయి...