79వ శాండిల్య మహర్షి గురించి తెలుసుకుందాం
🌿పూర్వం శండిలుడనే ఋషి ఉండేవాడు . ఆయన కొడుకే శాండిల్యుడు . చిన్నప్పటి నుంచీ శాండిల్యుడు శివభక్తుడు . ఉపనయన సంస్కారాలయ్యాక గురువుగారి దగ్గర బ్రహ్మ విద్యోపదేశం పొంది బ్రహ్మచర్య దీక్షతో అతిధ్వన్వుడనే బ్రహ్మఋషిని బ్రహ్మవిద్యాబోధన చెయ్యమని అడిగాడు .
🌸 అతిధన్వుడు వత్సా ! సామమునకు గతి స్వరం , స్వరానికి గతి ప్రాణం , ప్రాణానికి గతి అన్నం , అన్నానిక గతి నీళ్ళు , నీళ్ళకి గతి పైలోకం . పైలోకం అంటే స్వర్గలోకం . దానికి గతి ఈలోకం .
🌿ఎందుకంటే పైలోకానికి వెళ్ళాలంటే కావలసిన తపస్సు , పూజలు , దానాలు అన్నీ ఇక్కడ చేస్తేనే కదా ఆ లోకానికి వెళ్ళగలం . అందుకే ఈ లోకాన్ని రథంతరసామము అంటారు అని చెప్పాడు .
🌸ఈ లోకానికి గతి ఆకాశం . ఆకాశం నుంచే సర్వజీవులు పుట్టి ఆకాశంలోనే తిరిగి చేరుకుంటున్నాయి . కాబట్టి ఆకాశమే అన్నింటికీ ఆధారం . దీన్ని ' ఉద్గీధ ' అంటారు .
🌿ఈ ఉధ్ధ ధ్యానించే బ్రహ్మ విద్వద్యుడయ్యాడు అని కూడ అతధన్వుడనే బ్రహ్మర్షి శాండిల్యుడికి చెప్పాడు .
🌸 శాండిల్యుడు ఒకనాడు సరోవరంలో స్నానం చేస్తూ ధాన్యమాలిని అనే అప్సరసని చూసి ఇష్టపడి ఆమెని తనతో గడపమని అడిగాడు దానికి ఆమె మూడు రోజుల తర్వాత వస్తానని చెప్పి వెళ్ళి పోయింది .
🌿అలా వెళ్ళిన ధాన్యమాలిని గంధమాదన పర్వతం మీదకి వెళ్ళి తన్మయత్వంగా పాడుకుంటోంది . రావణాసురుడు దిగ్విజయ యాత్ర చేసి సేనాసమేతుడై అక్కడ వుండడం ధాన్యమాలిని చూడలేదు .
🌸కాని రావణుడు ధాన్యమాలినిని చూసి ఆమె వద్దన్నా వినకుండా ఆమెని అవమానపరిచాడు . శాండిల్యుడికిచ్చిన మాట ప్రకారం ధాన్యమాలిని మూడు రోజుల తర్వాత అతని దగ్గరికి వెళ్ళింది .
🌿 శాండిల్యుడు దివ్యదృష్టితో చూచి అపవిత్రురాలివైన నువ్వు నా దగ్గర కొచ్చావు కాబట్టి మొసలివై ఈ సరోవరంలోనే వుండమని శపించాడు .
🌸 ధన్యమాలిని స్వామీ ! ఇందులో నా తప్పులేదు . రావణుడి ముందు నేను నిస్సహయురాల్నై ఏమి చెయ్య లేకపోయానని ప్రార్థించింది . అయితే ఆంజనేయుడు రామకార్యంలో ఇటు వచ్చినప్పుడు నీకు శాపవిమోచనం అవుతుందని చెప్పి వెళ్ళిపోయాడు శాండిల్య మహర్షి .
🌿 విదర్భ దేశాన్ని సత్యరధుడనే రాజు పాలిస్తుండేవాడు . నియమనిబద్ధుడై రాజ్యం చేస్తుండగా శత్రువులు అతడ్ని చంపేశారు . అప్పటికి అతని భార్య గర్భవతి .
🌸శత్రువులకి కనిపించకుండా వెళ్ళి ఒకచోట చెట్టు క్రింద కూర్చుని విశ్రాంతి తీసుకుంటుండగా ఆమెకు కాన్పు అయ్యింది . మగ పిల్లవాడు పుట్టాడు .
🌿 ఆ పిల్లాణ్ణి అక్కడ పడుకోబెట్టి మంచినీళ్ళు త్రాగుదామని సరోవరం దగ్గరికి వెళ్లిన రాణిని దాంట్లో వున్న మొసలి మింగేసింది . ఆ దార్లో వెడుతున్న ఒక బ్రాహ్మణ స్త్రీ ఆ పిల్లాడి ఏడుపు విని అక్కడ నిలబడి ఏం చెయ్యాలా ! అని ఆలోచిస్తుండగా అటువైపే వెడుతున్న ఒక ముష్టివాడు ,
🌸తీసికెళ్ళి పెంచమ్మా ! నీకు మంచే జరుగుతుందని చెప్పాడు . ఆమె ఆ పిల్లవాణ్ణి తీసికెళ్ళి తన కొడుకుతో పాటు పెంచుతోంది . అక్కడి బ్రాహ్మణులు ఇద్దరి పిల్లలకి ఉపనయం చేశారు . వాళ్ళిద్దరు విభూతి పూసుకుని తల్లితో కలసి బిక్షకి వెడుతూ శివాలయం కనిపిస్తే అక్కడికి వెళ్ళారు .
🌿అక్కడ శాండిల్య ముని ఈ పిల్లల్ని చూసి కర్మని తప్పించుకోడం ఎవరి తరం ? పుట్టింది మహారాజ మాతకి , తింటుంట బిచ్చ మెత్తుకుని అన్నాడు . ఆ తల్లి ఆశ్చర్యపడి శాండిల్యుడితో స్వామీ ! ఇతని తల్లితండ్రులెవరు ? ఎందుకు మరణించారు ? చెప్పమని అడిగి ఆ పిల్లవాడు రాజ కుమారుడని తెలుసుకుంది .
🌸 అతని తల్లితండ్రులు చేసిన పాపమేమిటని అడిగింది శాండిల్య మహర్షిని .అతని తండ్రి శివభక్తుడు , కాని కష్టం వచ్చినప్పుడే శివపూజ చేసేవాడు .
🌿చివరికి శివపూజ పూర్తిగా విడిచి పెట్టి చనిపోయాడు . ఇతని తల్లి పూర్వ జన్మలో తన సవతికి విషం పెట్టి చంపింది . అందుకే ఇప్పుడు మొసలి వల్ల చనిపోయిందని చెప్పాడు శాండిల్యుడు .
🌸అప్పుడా బ్రాహ్మణ స్త్రీ శివపూజ గురించి చెప్పమని అడిగింది . శుక్ల కృష్ణ త్రయోదశీ తిథుల్లో పగలు ఉపవాసముండి సాయంత్రం శివపూజ చేసి
🌿ద్రాసము , దక్షిణలిచ్చి పురోహితుణ్ణి తృప్తి పరచి ఆ తర్వాత భోజనం చెయ్యాలని శాండిల్యుడు ' శివపూజ గురించి వివరించాడు . ఇదే ! శాండిల్య మహర్షి కథ !!!
🌸స్వస్తీ..
No comments:
Post a Comment