త్రైలోక్యమంగలం నామ శ్రీ సూర్యకవచం....!!

 త్రైలోక్యమంగలం నామ శ్రీ సూర్యకవచం....!!

శ్రీ సూర్యకవచం త్రైలోక్యమంగలం నామ...

శ్రీగణేశాయ నమః !!

శ్రీసూర్య ఉవాచ:-


1) సాంబ సాంబ మహాబాహో శృణు మే కవచం శుభం | త్రైలోక్యమంగలం నామ కవచం పరమాద్భుతం ||


2) యజ్జ్ఞాత్వా మంత్రవిత్సమ్యక్ ఫలం ప్రాప్నోతి నిశ్చితం |  యద్ధృత్వా చ మహాదేవో గణానా మధిపోభవత్ ||


3) పఠనాద్ధారణాద్విష్ణుః సర్వేషాం పాలకః సదా | ఏవమింద్రాదయః సర్వే సర్వైశ్చర్యమవాప్ముయుః ||


4) కవచస్య ఋషిర్బ్రహ్మా ఛందోనుష్టుబుదాహృతః | శ్రీసూర్యో దేవతా చాత్ర సర్వదేవ నమస్కృతః ||


5) యశ ఆరోగ్యమోక్షేషు వినియోగః ప్రకీర్తితః | ప్రణవో మే శిరః పాతు ఘృణిర్మే పాతు భాలకం ||


6) సూర్యోఽవ్యాన్నయనద్వంద్వమాదిత్యః కర్ణయుగ్మకం | అష్టాక్షరో మహామంత్రః సర్వాభీష్టఫలప్రదః ||


7) హ్రీం బీజం మే ముఖం పాతు హృదయం భువనేశ్వరీ | చంద్రబింబం వింశదాద్యం పాతు మే గుహ్యదేశకం ||


8) అక్షరోఽసౌ మహామంత్రః సర్వతంత్రేషు గోపితః |శివో వహ్నిసమాయుక్తో వామాక్షీబిందుభూషీతః ||


9) ఏకాక్షరో మహా మంత్రః శ్రీసూర్యస్య ప్రకీర్తితః | గుహ్యాద్గుహ్యతరో మంత్రో వాంఛా చింతామణిః స్మృతః ||


10) శీర్షాదిపాద పర్యంతం సదా పాతు మనూత్తమః | ఇతి తే కథితం దివ్యం త్రిషు లోకేషు దుర్లభం ||


11) శ్రీప్రదం కాంతిదం నిత్యం ధనారోగ్య వివర్ధనం | కుష్ఠాదిరోగశమన మహావ్యాధివినాశనం ||


12) త్రిసంధ్యం యః పఠేన్నిత్యమరోగీ బలవాన్భవేత్ | బహునా కిమిహోక్తేన యద్యన్మనసి వర్తతే ||


13) తతత్సర్వం భవేత్తస్య కవచస్య చ ధారణాత్ | భూతప్రేత పిశాచాశ్ర్చ యక్ష గంధర్వ రాక్షసాః ||


14) బ్రహ్మరాక్షసవేతాలా న్ ద్రష్టుమపి తం క్షమాః | దూరాదేవ పలాయంతే తస్య సంకీర్తణాదపి ||


15) భూర్జపత్రే సమాలిఖ్య రోచనాగురుకుంకుమైః |రవివారే చ సంక్రాంత్యాం సప్తమ్యాం చ విశేషతః |ధారయేత్సాధకశ్రేష్ఠః శ్రీసూర్యస్య ప్రియోభవేత్ ||


16) త్రిలోహమధ్యగం కృత్వా ధారయేద్దక్షిణే కరే | శిఖాయామథవా కంఠే సోపి సూర్యో న సంశయః ||


17) ఇతి తే కథితం సాంబ త్రైలోక్య మంగలాభిధం | కవచం దుర్లభం లోకే తవ స్నేహాత్ప్రకాశితం ||


18) అజ్ఞాత్వా కవచం దివ్యం యో జపేత్సూర్యముత్తమం |సిద్ధిర్న జాయతే తస్య కల్పకోటిశతైరపి ||


ఇతి శ్రీబ్రహ్మయామలే త్రైలోక్యమంగలం నామ శ్రీ సూర్య కవచం సంపూర్ణం.