వందే శివం శంకరమ్

వందే శివం శంకరమ్

వందే శంభు ముమాపతిం సురగురుం వందే జగత్కారణం
వందే పన్నగ భూషణం మృగధరం వందే పశూనాం పతిమ్
వందే సూర్య శశాంక వహ్నినయనం వందే ముకుంద ప్రియం
వందే భక్త జనాశ్రయం చ వరదం వందే శివం శంకరమ్

వందే సర్వజగద్విహారమతులం వందే౬న్ధక ధ్వంసినం
వందే దేవ శిఖామణిం శశినిభం వందే హరే ర్వల్లభమ్ !
వందే కౄరభుజంగ భూషణధరం వందే శివం చిన్మయం
వందే భక్త జనాశ్రయం చ వరదం వందే శివం శంకరమ్ !!

వందే దివ్యమచిన్త్య మద్వయ మహం వందే౬ర్క దర్పాపహం
వందే నిర్మల మాదిమూల మనిశం వందే మఖ ధ్వంసినమ్
వందే సత్యమనన్త మాద్యమభయం వందే౬తిశాన్తాకృతం
వందే భక్త జనాశ్రయం చ వరదం వందే శివం శంకరమ్

వందే భూరథ మంబుజాక్షవిశిఖం వందే శృతీఘోటకం
వందే శైల శరాసనం ఫణిగుణం వందే౬బ్ధి తూణీరకమ్ !
వందే పద్మజసారథిం పురహరం వందే మహాభైరవం
వందే భక్త జనాశ్రయం చ వరదం వందే శివం శంకరమ్ !!

వందే పంచముఖాంబుజం త్రినయనం వందే లలాటేక్షణం
వందే వ్యోమగతం జటాసుముకుటం చంద్రార్ధ గంగాధరమ్ !
వందే భస్మకృత త్రిపుండ్ర నిటలం వందే౬ష్టమూర్త్యాత్మకం
వందే భక్త జనాశ్రయం చ వరదం వందే శివం శంకరమ్!!

వందే కాలహరం హరం విషధరం వందే మృడం ధూర్జటిం
వందే సర్వగతం దయామృత నిధిం వందే నృసింహాపహమ్ !
వందే విప్రసురార్చితాంఘ్రి కమలం వందే భగాక్షాపహం
వందే భక్త జనాశ్రయం చ వరదం వందే  శివం శంకరమ్ !!


వందే మంగళ రాజతాద్రి నిలయం వందే సురాధీశ్వరం
వందే శంకర మప్రమేయ మతులం‌ వందే యమద్వేషిణమ్ !
వందే కుండలిరాజ కుండలధరం వందే సహస్రాననం
వందే భక్త జనాశ్రయం చ వరదం వందే  శివం శంకరమ్ !!

వందే హంస మతీంద్రియం స్మరహరం వందే విరూపేక్షణం
వందే భూత గణేశ మవ్యయ మహం వందే౬ర్ధ రాజ్యప్రదమ్ !
వందే సుందర సౌరభేయ గమనం వందే త్రిశూలంధరం
వందే భక్త జనాశ్రయం చ వరదం వందే  శివం శంకరమ్ !!

వందే సూక్ష్మమనంత మాద్యమభయం వన్దే౬న్ధకారాపహం
వందే రావణ నందిభృంగి వినతం వందే సుపర్ణావృతమ్ !
వందే శైల సుతార్ధ భాగవపుషం వందే౬భయంత్ర్యంబకం
వందే భక్త జనాశ్రయం చ వరదం వందే  శివం శంకరమ్ !!

వందే పావన మంబరాత్మవిభవం వందే మహేన్ద్రేశ్వరం
వందే భక్త జనాశ్రయామరతరుం వందే నతాభీష్టదమ్ !
వందే జహ్నుసుతా౬మ్బికేశ మనిశం వందే త్రిశూలాయుధం
వందే భక్త జనాశ్రయం చ వరదం వందే  శివం శంకరమ్ !!

సర్వే జనాః సుఖినోభవంతు
లోకాస్సమస్తా సుఖినోభవంతు