శ్రీ ఆది శంకరాచార్య విరచిత శ్రీ మూకాంబికా పంచరత్న స్తోత్రం

*1) మూలాంభోరుహమధ్యకోణవిలసత్ బంధూకరాగోజ్జ్వలాం జ్వాలాజాలజితేందుకాంతి లహరీం ఆనందసందాయినీం!*

 *హేలాలాలితనీలకుంతలధరాం నీలోత్పలీయాంశుకాం కొల్లూరాద్రి నివాసినీం భగవతీం ధ్యాయామి మూకాంబికాం!!*

 *2) బాలాదిత్య నిభాననాం త్రినయనాం బాలేందునాభూషితాం నీలాకారసుకేశినీం సులలితాం నిత్యాన్నదానప్రదాం !*

 *శంఖం చక్రగదాఽభయం చ దధతీం సారస్వతార్థప్రదాం తాం బాలాం త్రిపురాం శివేనసహితాం ధ్యాయామి మూకాంబికాం !!*

 *3) మధ్యాన్హార్క సహస్రకోటిసదృశాం మాయాంధకారస్థితాం మాయాజాల విరాజితాం మదకరీం మారేణ సంసేవితాం !*

 

*శూలంపాశకపాలపుస్తకధరాం శుద్ధార్థవిజ్ఞానదాం తాం బాలాం త్రిపురాం శివేనసహితాం ధ్యాయామి మూకాంబికాం !!*

 *4) కల్యాణీం కమలేక్షణాం వరనిధిం మందార చింతామణిం కల్యాణీ ఘనసంస్థితాం ఘనకృపాం మాయాం మహావైష్ణవీం !*

 *కల్యాణీం భగవతీం వికర్మశమనాం కాంచీపురీం కామదాం కల్యాణీం త్రిపురాం శివేన సహితాం ధ్యాయామి మూకాంబికాం !!*

 *5) కాలాంభోధరకుంతలాం స్మితముఖీం కర్పూర హారోజ్జ్వలాం కర్ణాలంబితహేమకుండలధరాం మాణిక్య కాంచీధరాం !*

 *కైవల్యైక్యపరాయణాం కలముఖీం పద్మాసనే సంస్థితాం తాం బాలాం త్రిపురాం శివేనసహితాం ధ్యాయామి మూకాంబికాం !!*

*మందార కుంద కుముదోత్పల మల్లికాబ్జైః శృంగార వేష సుర పూజిత వందితాగ్రీం!* 

*మందార కుంద కుముదోత్పల సుందరాంగీ మూకాంబికే మయి ని దేహి కృపా కటాక్షం!!*...