ఫాల్గుణమాసం - పయోవ్రతం

ఫాల్గుణమాసం - పయోవ్రతం
(రేపటినుండి "ఫాల్గుణమాసం సందర్భంగా...)


 చైత్రాది మాసాల క్రమంలో చిట్ట చివరిది ఫాల్గుణం♪. ఇంతకు ముందు పదకొండు నెలల్లో చేసిన దేవతా పూజలు, వ్రతాలు ఈ మాసంలో ఇంకోసారి కనిపించడం విశేషం♪. సర్వదేవతావ్రత సమాహారంగా, సర్వవ్రత సింహావలోకనంగా ఇది కనిపిస్తుంది♪.

 ఫాల్గుణం... విష్ణు ప్రీతికరం అంటోంది భాగవతం♪. ఫాల్గుణ శుద్ధ పాడ్యమి నుంచి పన్నెండు రోజులు పయోవ్రతం ఆచరించి శ్రీమహావిష్ణువుకి నైవేద్యంగా క్షీరాన్నం సమర్పిస్తే అభీష్టసిద్ధి కలుగుతోందని భాగవత పురాణం వివరిస్తోంది♪.

ఈ పయోవ్రతాన్ని ఆచరించిన అదితి సాక్షాత్తు శ్రీహరినే (వామనుడు) తన పుత్రుడిగా పొందింది♪. ఫాల్గుణంలో గోదానం, ధనదానం, వస్త్రదానం, గోవిందుడికి ప్రీతి కలిగిస్తాయని శాస్త్రాలు తెలియజేస్తున్నాయి♪.

వసంత పంచమి నుంచి ఫాల్గుణ పౌర్ణిమ వరకు ప్రకృతి రోజుకో రంగును సంతరించుకుంటుంది♪. చిలుకలు వాలిన జామచెట్టులా ఉండే ప్రకృతి పంచవన్నెల రామచిలకలా కనువిందు చేస్తుంది. చలి పూర్తిగా తగ్గదు♪. నులివెచ్చదనం ప్రాణానికి హాయి కలిగిస్తుంటుంది♪.

ఫాల్గుణ బహుళ పాడ్యమి నాడే రావణుడితో యుద్ధానికి వానర సేనను వెంటబెట్టుకొని శ్రీరాముడు లంకకు వెళ్లాడు♪.

ఫాల్గుణ బహుళ ఏకాదశినాడు రావణ కుమారుడు ఇంద్రజిత్తు, లక్ష్మణుడు మధ్య ప్రారంభమైన సమరం త్రయోదశి దాకా కొనసాగింది♪.

 రావణబ్రహ్మను శ్రీరాముడు అమావాస్య రోజు వధించాడు♪. అంతేకాదు కురుపాండవుల్లో కొందరు ఫాల్గుణ మాసంలో జన్మించినట్లు చెబుతారు♪.

హరిహరసుతుడు అయ్యప్పస్వామి, పాలకడలి నుంచి లక్ష్మీదేవి ఇదే మాసంలో జన్మించారు♪. ఇక మహాత్ములైన శ్రీకృష్ణచైతన్యులు, రామకృష్ణ పరమహంస, స్వామి దయానంద సరస్వతిలు జననం కూడా ఈ నెలలోనే జరిగింది♪. అర్జునుడి జన్మ నక్షత్రం కూడా ఇదే కాబట్టి ఫల్గుణ అనే పేరుంది♪. ఫాల్గుణ బహుళ అష్టమినాడు ధర్మరాజు, ఫాల్గుణ శుద్ధ త్రయోదశి రోజున భీముడు, దుర్యోధనుడు, దుశ్శాసనులు జన్మించినట్లు పురాణాలు తెలుపుతున్నాయి♪.

ఇక, తెలుగు నెలల్లో చివరిది ఫాల్గుణ మాసం. హోలీ పండుగను ఏటా ఫాల్గుణ పౌర్ణమి రోజున జరుపుకుంటారు♪. చతుర్దశి నాడు కాముని దహనం అనంతరం పాల్గుణ పౌర్ణమి నాడు వచ్చే హోలీ పండుగను భారత్‌లోనే కాకుండా నేపాల్‌, బంగ్లాదేశ్‌ దేశాల్లో కూడా వైభవంగా జరుపుకుంటారు♪. వసంతకాలంలో వచ్చే పండుగ కాబట్టి పూర్వం ఈ పండుగను *‘వసంతోత్సవం’* పేరిట జరుపుకునేవారు♪.

 ప్రహ్లాదుని చంపబోయిన హిరణ్య కశ్యపుని సోదరి హోలిక తాను దహనమవుతుంది♪. ఆ రాక్షసి చనిపోయిందనే ఆనందంలో హోలీ పండుగను నిర్వహిస్తారని కొందరంటారు. లోకకల్యాణం కోసం పార్వతీపరమేశ్వరుల వివాహం జరిపించాలని నిర్ణయించిన దేవతలు, గిరిపుత్రికపై పరమశివుడి దృష్టి నిలిచేలా చేయమని మన్మథుడి సాయం కోరారు. దేవతల కోరిక మేరకు శివుడిపైకి మన్మథుడు పూలబాణాన్ని ప్రయోగించి, తపోభంగం చేస్తాడు♪. దీంతో ఆగ్రహావేశాలకు లోనైన శివుడు మూడో కన్ను తెరిచి ఆయనను భస్మం చేస్తాడు♪. అలా కోరికలు దహింపజేసిన రోజు కావడం వల్ల ఆ రోజు కామ దహనం పేరుతో మన్మథుడి బొమ్మను గడ్డితో చేసి తగులబెడతారు♪.

మరో పక్క పాల్గుణ శుద్ధ పౌర్ణిమ రోజున కృష్ణభగవానుణ్ణి ఊయల్లో వేసిన వేడుకకు గుర్తుగా బెంగాల్‌లో డోలికోత్సవాన్ని నిర్వహిస్తారు♪.

 శాస్త్రీయ కారణాల ప్రకారం.. వసంత కాలంలో వాతావరణం చలి నుంచి వేడికి మారుతుంది. దీనివల్ల వైరల్ జ్వరం, జలుబు లాంటి వ్యాధులు ప్రబలుతాయి♪. ఈ సమయంలో కొన్ని ఔషధ మొక్కల నుంచి తయారు చేసిన సహజమైన రంగులు, నీళ్లను శరీరంపై చల్లుకోవడం వల్ల వ్యాధుల తగ్గుముఖం పడతాయనేది మరో వాదన♪.