మన సాంప్రదాయంలోని కొన్ని భోజన నియమాలు

మన సాంప్రదాయంలోని కొన్ని భోజన నియమాలు

💕 *భోజనానికి ముందు,తరువాత తప్పక కాళ్ళు, చేతులు  కడుక్కోవాలి. తడికాళ్ళను తుడుచుకుని భోజనానికి కూర్చోవాలి.*

💕 *తూర్పు, ఉత్తరం వైపు కూర్చుని భోజనం చేయడం మంచిది.*

💕 *ఆహార పదార్థాలు(కూర, పప్పు, పచ్చళ్ళు, మొ.) తినే పళ్ళానికి తాకించరాదు.* *అలా చేస్తే అవి ఎంగిలి అవుతాయి.* *ఎంగిలి పదార్థాలు ఎవ్వరికీ పెట్టరాదు.*

💕 *అన్నపు పాత్రలో నేతి గిన్నెను పెట్టి కాచడం చేయరాదు.* *మెతుకులు నేతిలో పడరాదు.*

💕 *భోజనం చేస్తున్నప్పుడు మధ్యలో లేవకూడదు.*

💕 *ఎంగిలి చేతితో ఏ పదార్థాన్ని చూపించరాదు.తాకరాదు.*

💕 *ఎడమచేతితో తినే కంచాన్ని ముట్టుకోకూడదు.* *ఒకవేళ కంచాన్ని ముట్టుకుంటే వెంటనే ఎడమచేతితో నీటిని ముట్టుకోవాలి.*

💕 *సొట్టలు ఉన్న కంచం, విరిగిన కంచం భోజనానికి పనికిరాదు.*

💕 *నిలబడి అన్నం తింటూ ఉంటే క్రమంగా దరిద్రులు అవుతారు.*

💕 *భగవన్నామము ఉచ్చరించి భోజనం చేయాలి.*

💕 *అన్నం తింటున్నప్పుడు వంట బాగాలేదని దూషించడం, కోపముతో అన్నం పెట్టేవారిని తిట్టడం చేయరాదు.*

💕 *కంచం ఒడిలో పెట్టుకుని భోజనం చేయరాదు. పడుకునే  మంచం మీద భోజనం చేయరాదు.*

*(ఇది వృద్ధులకు, అనారోగ్యం ఉన్నవారికి వర్తించదు.)*

💕 *మాడిన అన్నాన్ని నివేదించరాదు.అతిథులకు పెట్టరాదు.*

💕 *భోజనం అయ్యాక క్షురకర్మ చేసుకోరాదు.*

💕 *గురువులు, పెద్దవాళ్లు ఇంటికి వస్తే మనం తినగా మిగిలినవి పెట్టరాదు.మళ్ళీ ప్రత్యేకంగా వంటచేయాలి.*

💕 *భోజనం వడ్డించేటప్పుడు పంక్తిబేధం చూపరాదు. అనగా ఒకరికి ఎక్కువ వడ్డించడం మరొకరికి తక్కువ వడ్డించడం చేయరాదు.*

💕 *భోజనం చేస్తున్నప్పుడు తింటున్న పదార్థాలలో వెంట్రుకలు, పురుగులు వస్తే తక్షణం విడిచిపెట్టాలి.*

💕 *భగవన్నామము స్మరిస్తూ,*

*భగవత్ కథలు వింటూ  వంట చేయడం,భోజనం చేయడం చాలా ఉత్తమం.*

💕 *ఉపాసకులను, ఏదైనా దీక్షలో ఉన్నవారిని ఎక్కువ తినమని బలవంతపెట్టరాదు. ( అతిగా ఆహారం స్వీకరిచడం వారి అనుష్ఠానానికి  ఇబ్బంది అవ్వచ్చు)*

💕 *గిన్నె మొత్తం ఊర్చుకుని తినరాదు.*

💕 *ఆహార పదార్థాలను కాళ్ళతో తాకరాదు.*

💕 *భోజనం చేస్తున్నప్పుడు నీళ్ళ పాత్రను కుడివైపు ఉంచుకోవాలి.*

💕 *అరటిఆకుల వంటి వాటిలో   భోజనం చేసిన వ్యక్తి  వాటిని మడవకూడదు.(తిన్న విస్తరిని మడవడం అనాచారం). తన ఇంటిలో తాను ఒక్కడే ఉన్నప్పుడు ఈ నియమం వర్తించదు.*

💕 *ఎంగిలి విస్తరాకులను తీసేవాడికి వచ్చే పుణ్యం అన్నదాత కు కూడా రాదని శాస్త్రం.*

*(జగద్గురువైన శ్రీ కృష్ణుడు కూడా ధర్మరాజు చేసిన రాజసూయయాగం లో లక్షలాది మంది తిన్న ఎంగిలి ఆకులు ఎత్తాడని మహాభారతం చెబుతోంది.)*

💕 *భోజనం అయ్యాక రెండుచేతులూ,కాళ్ళూ కడుక్కోవాలి.* *అవకాశం లేనప్పుడు రెండు చేతులైనా తప్పక కడుక్కోవాలి.*నోరు నీటితో పుక్కిలించుకోవాలి.*

💕 *భోజనం అయ్యాక నేలను లేదా బల్లను శుద్ధి(మెతుకులు తీసేసి,తిన్న చోట తడిగుడ్డతో శుభ్రం) చేసి   మాత్రమే అక్కడ వేరేవారికి భోజనం వడ్డించాలి.(ఇప్పటికీ సదాచారాలు పాటించే కొందరి ఇళ్ళల్లో గోమయం లేదా పసుపు నీళ్ళు చల్లి మరీ శుద్ధి చేస్తారు.)*

💕 *స్నానం చేసి మాత్రమే వంట వండాలని కఠోర నియమము.*

*పెద్దలు,సదాచారపరులు హోటళ్ళలో మరిఎక్కడంటే అక్కడ భోజనం  చేయకపోవడానికి ఇదే ముఖ్యకారణం.అక్కడ వంట చేసే వారు స్నానం చేసారో లేదో తెలియదు*

💕 *పాచిముఖంతో వంట చేసినా, రోడ్డు మీద తిరిగే చెప్పులు ధరించి వంటచేసినా దోషం.అవి తిన్న వారికి మెల్లగా వారి మనసుపై ప్రభావం చూపుతుంది. పుణ్యం క్షీణిస్తుంది.*

💕 *ఒకసారి వండాక అన్నము, కూర, పప్పు వంటి ఇతర ఆహార పదార్థాలను మళ్ళీ వేడి చేసి తినరాదు.ద్విపాక దోషం వస్తుంది.*

💕 *ఆడవారు గాజులు ధరించకుండా భోజనం చేయరాదు. వడ్డించరాదు.*

❤️ *ॐశ్రీవేంకటేశాయ నమః*