శ్రీ జంగల్ విటోభ దేవాలయం, ఉష్మన్సాహి (విట్టలనగర్ ), హైదరాబాద్ (పాండు రంగ ఆలయం)

" పాండురంగా నామం పరమ పుణ్య  ధామం “ 

💠 శ్రీ పాండురంగడు, దయా సముద్రుడు, భక్తుల పాలిట కల్పతరువు.

 ఆ పవిత్రమూర్తి కొన్ని వందల సంవత్సరాల క్రితం హైదరాబాద్ లోని ముచుకుంద  నదీతీరమున (మూసి నది)  ఉస్మాన్ షాహి (విఠల్ నగర్)లో వెలిశాడు. 

ఆ రోజుల్లో హైదరాబాద్ నగరం చుట్టూ  చెట్లు ,గుట్టలుతో ఒక అడవిలో ఉండేది అందుకే ఈ దేవాలయానికి జంగల్ విటోభ దేవాలయం అని పేరు వచ్చింది అని చెబుతారు . 

💠 ఈ దేవాలయమును కీ. శే. గున్నాజీ నాదస్వర వాదకుడు అనే భక్తుడు కట్టించెను. ఈ గున్నాజీ పరమ పాండురంగని భక్తుడు. అతనే సర్వమని భక్తిభావముతో తన్మయత్వం చెందిన మనిషి, అతడు అందజేసిన ఈ భక్తి భావన మందిర ప్రాంతములో స్పష్టంగా కనబడుచున్నది. 

💠 ఈ దేవాలయం అతి పవిత్రమైనది.

 ఆయన లీలలు ఆశ్చర్యానికి గురిచేస్తాయి.

 ఈ దేవాలయమునకు "సయ్యద్ “హుస్సేన్ ఖాన్ బహదూర్' అనే ముస్లిం మందిర నిర్మాణమునకు భూమిని ఇచ్చెను. 

సయ్యద్ కి పురుష సంతానం లేరు కనుక  

ఈ విషయం శ్రీ గున్నాజీ మహరాజ్ కి విన్నవించెను.

 విఠలేశ్వరుని అనుగ్రహ కటాక్షము వలన సయ్యద కు పుత్రసంతానం కలిగెను.

💠 సయ్యద్ సంతోషంచేత విఠలేశ్వరుని ఆలయ నిర్మాణం కొరకు భూమిని ఇచ్చెను. ఈ దేవాలయం 200 సంవత్సరాల క్రితం నిర్మితమైంది.

💠 శ్రీ పాండురంగని దేవాలయము, ఆంజనేయస్వామి నవగ్రహ, శివపార్వతుల ప్రతిష్ఠ కూడా అదే సమయంలో జరిగింది. 

ఈ పుణ్యక్షేత్రంలో రుక్మిణీ, పాండురంగని దర్శనం కొరకు శ్రీ మాణిక్య ప్రభు సంస్థాన పీఠాధిపతి సంత్ శ్రీ శ్రేష్ఠ మనోహర ప్రభువు లాంటి ఎందరో మహానుభావులు ఈ ఆలయమును దర్శించెను.

💠 1908 సంవత్సరంలో ముచుకుందా( మూసీ) నది ఉప్పొంగి భయంకర ప్రవాహంతో దేవాలయ స్థితిగతులను చిన్నాభిన్నం చేసింది. 

ఈ సమయమున అనేక వేల మంది దేవాలయము పైకి ఎక్కి తమ ప్రాణములను రక్షించుకున్నారు. తర్వాత 2003 సంవత్సరములో భక్తుల సహాయ సహాకారములతో ఆలయ పునః నిర్మాణం గావించబడినది. 

💠 వేదశాస్త్ర సంపన్నులు, వంశపారంపర్య అర్చకులు అయిన గోవింద మహరాజ్ వారి ఆధ్వర్యంలో పూజా కారక్రమములు చేయుచున్నారు.

 విఠలేశ్వర బాలభక్త సమాజం ఏర్పాటు చేసి భక్తులు భజనలు, కీర్తనలు చేయుచున్నారు.

💠 ఉత్సవాలు - పండుగలు : 

అషాడ శుద్ధ దశమి మొదలుకొని ఆషాడ బహుళ తదియ వరకు ఉత్సవములు జరుగును.

 ఆషాఢ ఏకాదశి రోజున రథోత్సవము జరుగును. 

💠 కార్తీక మాసంలో హారతి కార్యక్రమంలో భాగంగా పౌర్ణిమ రోజున 108 సత్యనారాయణ వ్రతములు జరుగును.  హనుమాన్ జయంతి, మహాశివరాత్రి, దత్తజయంతి, శరన్నవరాత్రులు వైభవంగా జరుగును.