మేఘనాథస్వామి లలితాంబిక దేవాలయం....!!lalithambika sametha meganatha swamy temple

 

🌹ఒక్కసారి పై 👆👆చిత్రం గమనించండి.🌹

🌸తిరుమెయిచూర్ లో శ్రీ లలితాదేవి అమ్మవారి అన్నవడై సేవ ముందు ఉన్నది నెయ్యి. అందులో అమ్మవారి ప్రతిబింబము కనపడుతుంది గమనించారా?

🌿అలా కనిపిస్తోంది అంటే అమ్మవారి అనుగ్రహము కలిగినట్లే, మనం స్వయంగా ఆ ఆలయానికి వెళ్లి ఈ సేవ గమనించినా ఇంత స్పష్టంగా దర్శించుకోగలమా ? అంతా అమ్మ దయ కాకుంటే మరేమిటి...

🌸అంతేకాదు ఆ నేతిలో అమ్మవారిని దర్శించుకుంటే జీవితాంతము భార్య భర్తల మధ్య మనస్పర్థలు రాకుండా ఉంటాయి అని అమ్మవారి వాక్కుగా చెబుతారు.

🌿అమ్మవారిని శాంతపరచిన మహాదేవుని ఆలయం, లలితా సహస్రనామ స్తోత్ర పారాయణమునకు అత్యంత శ్రేష్ఠమైన ప్రదేశం కూడా ఇదే.

🌸జీవితంలో ఒక్కసారైనా ఈ ఆలయంలో లలితా పారాయణము చేయాలని ఎంతోమంది భక్తులు తపించిపోతుంటారు.

🌿పరమేశ్వరుడు మేఘనాథస్వామిగా జగన్మాత పార్వతీదేవి  లలితాంబికగా ఆవిర్భవించిన దివ్యక్షేత్రం తిరుమెయిచూర్‌ ఆలయం. ఇది తమిళనాడులోని తిరువరూర్‌ జిల్లాలో ఉంది.

🌹 స్థల పురాణం 🌹

🌸పాండాసురుడనే రాక్షసుడు ఋషులను, దేవతలను హింసించేవాడు. అతని బాధలు పడలేక వారు జగన్మాత పరాశక్తికి మొరపెట్టుకున్నారు.

🌿దీనితో వారి బాధలు తీర్చేందుకు మాత యజ్ఞగుండం నుంచి శ్రీచక్రరథంపై ఆశీనురాలై లలితాంబిక నామధేయముతో ఆవిర్భవించినది.

🌸పాండాసురునితో భీకరంగా పోరుచేసి అతన్ని సంహరించినది. తీవ్ర ఆగ్రహంతో ఉన్న ఆమెను భూలోకానికి వెళ్లి మనోన్మణి పేరుతో తపస్సు చేయమని పరమేశ్వరుడు ఆదేశించాడు.

🌿లయకారకుని ఆదేశంతో ఆమె ఈ క్షేత్రానికి వచ్చి తపస్సుచేసి ప్రశాంతంగా అత్యంత దయామయురాలిగా మారినది,అనంతరం వాక్‌దేవతలను సృష్టించి తనకు సహస్రనామాలతో పూజచేయమని కోరినది.

🌸🌿ఈ సహస్రనామాలనే నేడు లలితాస్తోత్రముగా పిలుస్తున్నాము..

🌿పరమేశ్వరుడు స్వయంభువుగా వెలిశారు, జగన్మాత శ్రీచక్ర రాజ సింహసనంపై అభయహస్తముతో భక్తులకు ఆశీర్వచనాలు అందిస్తోంది.

🌸తమిళ మాసమైన చితిరాయ్‌( ఏప్రిల్‌ -మే)లో సూర్యకిరణాలు నేరుగా ఆలయంలోకి ప్రసరించి స్వామి చరణాలు తాకుతాయి, ఆలయ ప్రాశస్త్యం గురించి నయనార్‌.. తిరుజ్ఞాన సంబందనార్‌ తన పద్యాల్లో రాశారు.

🌿ఆయుష్షు పెంపు కోసం ఆలయంలో భక్తులు ప్రత్యేక పూజలు నిర్వహిస్తారు. 60, 80వ జన్మదినాలను స్వామి సన్నిధిలో చసుకోవడం ఎంతో పుణ్యమని భక్తులు విశ్వసిస్తారు.

🌸ఈ ప్రాంతంలోనే గరుత్మంతుడు, అతని సోదరుడు అరుణ.. వానర రాజులు వాలి, సుగ్రీవ, యమధర్మరాజు, శనీశ్వరులు పూజలు నిర్వహించారు, ఆయుష్షు కోసం యమధర్మరాజుకు ఇక్కడ హోమాలు నిర్వహిస్తారు.

🌿భగవంతుడికి నైవేద్యంగా పెట్టే అన్నాన్ని భగవంతుని చరణాల ముందు పెట్టి అనంతరం ప్రసాదంగా స్వీకరిస్తారు,ఈ ప్రసాదం అనేక రోగాల నుంచి విముక్తులను చేస్తుందని భక్తుల నమ్మకము, సూర్యభగవానుడిని పరమేశ్వరుడు శాపం నుంచి ఇక్కడే విముక్తుడిని చేశాడు.

🌸జగన్మాత లలితాంబికను సౌందర్యనాయకిగా కొలుస్తారు, ఇక్కడ వెలసిన దుర్గమ్మవారికి ఎనిమిది చేతులుండటంతో సుఖబ్రహ్మ దుర్గాదేవిగా ఆరాధిస్తారు, ఆమె చేతిలోని రామచిలుక శాంతిని ప్రబోధిస్తుంది, ఆలయ ప్రాంగణంలో మరిన్ని ఉపాలయాలను చూడవచ్చు.

🌿లలితాంబికకు హయగ్రీవుడు భక్తుడు, లలితా సహస్రనామాల గురించి అగస్త్యునికి వివరిస్తాడు,యావత్‌ విశ్వంలో ఈ నామాలను స్తుతించేందుకు అనువైన క్షేత్రం ఏది అని అడగగా తిరుమెయిచూర్‌ అని హయగ్రీవుడు వెల్లడిస్తాడు.

🌸దీంతో అగస్త్య మహాముని తన సతీమణి లోపాముద్రతో కలిసి ఈ క్షేత్రానికి చేరుకొని లలితాంబిక సన్నిధిలో సహస్రనామాలు జపిస్తాడు.

🌿దీనితో సంతోషించిన అమ్మవారు వారి ముందు నవరత్నాలు పొదిగిన హారము ధరించి ప్రత్యక్షమైనట్టు స్థలపురాణం చెబుతోంది, అమ్మవారి సన్నిధిలో లలితా సహస్రనామాలను పఠిస్తే అన్ని శుభాలు కలుగుతాయి.

🌸హర నమఃపార్వతీపతయే హర హర మహాదేవ శంభోశంకర ఓం నమఃశివాయ.🌹...స్వస్తి..