💠 నాలుగవనాడు పగలు శ్రీదేవి భూదేవి సహితుడై మలయప్పస్వామి కల్పవృక్షవాహనంపై విహరిస్తూ భక్తులను అలరిస్తాడు.
💠" ఎల్ల ఋతువులందు నెలరారి పరువమై కోరివచ్చువారి కోర్కుల నీనెడు వేల్పుమాను పాలివెల్లి బుట్టె” (దేవతలు, రాక్షసులు పాలసముద్రాన్ని అమృతం కొరకు చిలుకుతున్నప్పుడు అన్ని ఋతువులలోను పచ్చగానుండి కోరినవారి కోరికలను తీర్చునట్టి కల్పవృక్షం పాలసముద్రం నుండి పుట్టినది.)
💠 కల్పవృక్షం ఐహిక సుఖాలను మాత్రమే ప్రసాదిస్తుంది.
కల్పవృక్ష వాహనం మీద నున్న వేంకటేశ్వరుడు ఐహిక, ఆముష్మిక సుఖములను ప్రసాదిస్తాడు. స్వామి ఆశ్రిత జన కల్ప వృక్షం. భక్తజనమందారం.
💠 వేంకటేశ్వర స్వామి (శ్రీమన్నారాయణుని అర్చావతారం) కృష్ణావతారంలో సత్యభామ కోరికను తీర్చడంకోసం పారిజాతవృక్షాన్ని దివి నుండి భువికి దెచ్చి ప్రతిష్ఠించాడు. ఇప్పుడు కలియుగంలో ఆశ్రితభక్తజనుల కోరికలను తీర్చడం కోసం కల్పవక్షవాహనంపై విహరిస్తున్నాడు.
💠స్వామి కల్పవృక్షవాహనంపై గోవులను కాపాడుతున్న గోపాలుని రూపంలో భక్తులకు కనువిందు చేస్తాడు. (ఈ ఆలంకారము మారుతుంటుంది).
గోవులను కాపాడిన గోవిందుడు భక్తజనులను కాపాడుతాడు.
💠 ఈ కలియుగంలో ఆశ్రితజన కల్పవృక్షమైన వేంకటేశ్వరస్వామి భక్తజనుల కోరికలను తీరుస్తుంటాడు. భక్తులపాలిట కల్పవృక్షమే వేంకటేశ్వరుడు. "పండిన పెరటి కల్పకము వాస్తవ్యుండు” అన్నట్లుగా స్వామి దేవేరీ సమేతుడై భక్తజనులకు పెరటి కల్పవృక్షంగా కోరికలు దేర్చే చింతామణిగిరి (వేంకటాద్రికినామాంతరం) పై ఉన్నాడు.
🙏 ఓం నమో వేంకటేశాయ 🙏
No comments:
Post a Comment