Adsense

Friday, October 28, 2022

59వ మహర్షి.. మాండవ్య మహర్షి

మన మహర్షుల చరిత్రలు..

59వ మాండవ్య మహర్షి గురించి తెలుసుకుందాం


🌿మాండవ్య మహర్షి చిన్నతనంలో తెలియక చేసిన తప్పుకు ఎలా శిక్ష అనుభవించాడో ,

🌸అలాగే చేసిన తప్పుకి శిక్ష ఎలాంటి వాళ్ళూ తప్పించుకోలేరనేది కూడ ఈ కథలో తెలుసుకుంటారు .

🌿ఇప్పుడు మనం తెలుసుకోబోయేది మాండవ్య మహర్షి గురించి . మాండవ్యుడు ఒక ముని కుమారుడు .

🌸చిన్నప్పటి నుంచి వేదవిద్యలు నేర్చుకుని తపస్సు చేసి బ్రహ్మర్షి అయ్యాడు .

🌿భూమి మీద ఉన్న అన్ని తీర్థాలు తిరిగి ఒక అడవిలో ఆశ్రమం ఏర్పాటు చేసుకుని సంవత్సరాలు గడిచిపోతున్నా ఋతువులు మారిపోతున్నా తపస్సులోనే ఉండిపోయాడు .

🌸అటువంటి మాండవ్యునిపై ఒక అపనింద పడింది.ఏమిటా అపనింద? దొంగలు కొందరు రాజభవనంలో ఖజాన దోచుకొని మాండవ్యుని ఆశ్రమాన పాతిపెట్టి పొదలమాటున పొంచి ఉన్నారు.

🌿రాజభటులు దొంగలను వెతుకుతూ వచ్చి వారు కనపడకపోగా సమీపాన ఉన్న మాండవ్యుని అడిగారు.

🌸మౌనవ్రత మందున్న మాండవ్యుడు సమాధానం చెప్పలేదు.భటులు ఆశ్రమమంతా వెతకి దొంగలు పాతిపెట్టిన ఖజాన బయటకు తీశారు.

🌿దొంగలను బంధించారు.ముక్కు మూసికొని తపస్సు చేసుకొనే మాండవ్యుని కూడా దొంగేనని భావించి దొంగలతో పాటు బంధించి తీసికొని పోయారు.

🌸రాజు అందరికీ శిక్ష విధించి మాండవ్యునికి శూలం గుచ్చి ఆశ్రమం వద్ద పాతి వెళ్ళిపోయారు.
మాండవ్యుడు దేహబాధను లక్ష్యపెట్టక తపస్సాధనలో ఉండిపోయాడు.

🌿ఒకనాటి రాత్రి జరిగిన విషయము ప్రతిష్ఠానమను ఒక పురమున కౌశికుడను ఒక బ్రాహ్మణుడు ఉండేవాడు.

🌸అతడు కుష్ఠురోగి.అతని భార్య పతివ్రత.భర్తయే సర్వస్వమని భావించి సేవలు చేయుచుండెను.

🌿అనాటి రాత్రి రాజమార్గమున ఒక వేశ్య పోవుచుండెను.అమెను చూచి కౌశికుడు ముగ్ధుడై భార్యను పిలిచి ఆమెవద్దకు తీసికొని పొమ్మనిప్రాధేయపడెను.

🌸అంత ఆమె భర్తను వీపుపై నెక్కించుకుని చీకటిలో వేశ్యాగృహమునకు తీసికొనపోవసాగినది.

🌿దారిలో శూలమునకు గుచ్చబడిన మాండవ్యునకు కౌశికుని శరీరము తగిలినది.అంత మాండవ్యుడు బాధపడుచూ ఇతడు సూర్యోదయమగుసరికి చనిపోవుగాక అని శపించెను.

🌸కాని కౌశికుని భార్యపతివ్రత అగుటచే అతనిని బ్రతికించుకొన గలిగినది.

🌿మాండవ్య మహర్షి బాధని లెక్కచెయ్యకుండా నే తపస్సు చేసుకుంటుంటే మిగిలిన మునులందరూ రాత్రివేళ పక్షిరూపంలో వచ్చి ఎవరికీ అపకారం చెయ్యనివాడివి నీకీ కష్టాలేమిటని అడిగారు .

🌸మహర్షి కర్మఫలం అనుభవించాలి కదా ! అన్నాడు . ఈ మాటలు కాపలా వున్న రక్షకభటులు విని రాజుకి చెప్పారు .

🌿రాజు పరుగెత్తుకుంటూ వచ్చి మహాత్మా ! తెలియక తప్పు చేశాను . మీరు మహర్షులని తెలియదు .

🌸మావాళ్ళు దొంగ అని చెప్తే ఆలోచించకుండా శిక్ష వేశాను క్షమించమని అతని కంఠంలో వున్న శూలాలు తీయడానికి ప్రయత్నించాడు రాజు .

🌿అవి ఊడి రాలేదు . ఆ చివర ఈ చివర కోసినా ఒక ముక్క మాత్రం మహర్షి కంఠంలో ఉండిపోయింది .

🌸అప్పటినుంచి “ ఆణిమాండవ్యుడని ” పేరు వచ్చింది . ఆ ముక్కకి పూలబుట్ట తగిలించుకుని తిరిగేవాడు .

🌿మాండవ్యుడు యమధర్మరాజుని కలిసి నేను చేసిన తప్పేమిటి ? ఎందుకు నాకీ శిక్ష వేశావు ? అని అడిగాడు .

🌸చిన్నతనంలో తూనీగల్ని బాధపెట్టావు , అందుకే ఇప్పుడు అనుభవిస్తున్నావు అన్నాడు యముడు .

🌿అప్పుడు నా వయస్సెంత ? ఏ వయస్సు వరకూ బాల్యం అంటారు ? బాల్యంలో చేసినదానికి శిక్ష వుండదంటారు కదా ! అని అడిగాడు .

🌸పుట్టినది మొదలు పన్నెండేళ్ళ వరకూ బాల్యం అంటారు అన్నాడు యమధర్మరాజు .

🌿మాండవ్యుడు నేనప్పుడు బాల్యంలోనే ఉన్నా నాకు శిక్ష వేశావు కాబట్టి నువ్వు భూలోకంలో ఒక శూద్రుడికి పుడతావని శపించాడు .

🌸అతడే విదురుడు  జనకమహారాజుకి జ్ఞానం సంపాదించడం అంటే ఇష్టం .

🌿ఎప్పుడూ చుట్టూ మహర్షుల్ని పెట్టుకుని చర్చాకార్యక్రమాల్లో ఉండేవాడు .

🌸మాండవ్యుడు . ఒకసారి జనకమహారాజుని కోరికలకి కారణం ఏమిటి ? అని అడిగాడు .
డబ్బే దీనికంతకీ మూలం .

🌿ఆవుతో పాటు కొమ్ములు పెరిగినట్లు మనిషికి కోరికలు పెరిగి దాంతో మమకారం పెరిగి అట్టలు కట్టుకుపోయినట్లయిపోయి దాంట్లోంచి బయటకు రాలేడు .

🌸అందుకే కోరికల్ని చంపుకోవాలని అన్నాడు జనక మహారాజు . ఒకసారి శ్రీకృష్ణుడు ధర్మరాజుకి శివస్తుతి వల్ల కలిగే విశేషాలు చెప్పాడు .

🌿అప్పుడు మిగిలిన మహర్షులు కూడ వాళ్ళ వాళ్ళ అనుభవాలు చెప్తున్నారు మాండవ్యుడు నా కంఠంలో శూలం దిగినప్పుడు నేను శివస్తుతి చేసుకుంటూండగా ,

🌸శివుడు దర్శనమిచ్చి శూలబాధ తెలియకుండా , అన్ని తీర్థాల్లోనూ స్నానం చేసిన ఫలితాన్ని రోగం , పీడ , పుట్టుక , చావు లేకుండా వజ్ర సమానమయిన శరీరంతో ఉంటావని వరమిచ్చాడు అని చెప్పాను.

🌿మాండవ్యుడు మునిగా గడిపి తన శక్తీ సామర్ధ్యాలు ప్రపంచానికి
చాటిచెప్పిన గొప్ప తపశ్శాలి

🌸ఇదండీ మాండవ్య మహర్షి గురించి  స్వస్తి.

No comments: