గంగా పుష్కరాలకు కాశీకి పోలేని వారి కోసం శంకరాచార్యులు కాశీ పంచకంలో చెప్పిన శ్లోకం

గంగా పుష్కరాలకు కాశీకి పోలేని వారి కోసం 

శంకరాచార్యులు కాశీ పంచకంలో చెప్పిన శ్లోకం

ఈశ్లోకం మనస్పూర్తిగా స్మరించుకొంటే చాలు:
"కాశీ క్షేత్రం శరీరం, త్రిభువనజననీ వ్యాపినీ జ్ఞాన గంగా|

భక్తిఃశ్రద్ధా గయేయం నిజగురుచరణధ్యానయోగః ప్రయాగః|

విశ్వేశోయం తురీయ సకలజనమనస్సాక్షిభూతోంతరాత్మా|

దేహే సర్వం మదీయే యది వసతి పునః తీర్థ మన్యత్ కిమస్తి|"

తాత్పర్యం:

మన శరీరమే కాశీ క్షేత్రం. జ్ఞానమే మూడు లోకాలలో వ్యాపించిన గంగానది. మన భక్తిశ్రద్ధలే గయాక్షేత్రం.
మన గురు చరణ ధ్యాన యోగమే ప్రయాగాతీర్థం.
సకల జనుల మనస్సాక్షి భూతంగా మనలోని సమాధ్యవస్థాతత్త్వమైఉన్న ఆత్మయే కాశీ విశ్వేశ్వరుడు. ఈ విధంగా మన శరీరంలోనే సర్వ తీర్థాలు నెలకొని ఉండగా ఇంకా వేరే సేవింపదగ్గ పుణ్య తీర్థాలు ఏముంటాయి..! అని అర్థం.
ఓం శ్రీ కాశీ విశ్వేశ్వర నమోస్తుతే!!