మూత్ర‌పిండాల్లో రాళ్ల స‌మ‌స్య‌తో బాధ‌ప‌డే వారు ఈ కాకి దొండ‌కాయ‌ల‌ను తిన‌డం వ‌ల్ల మూత్ర‌పిండాల్లో రాళ్ల స‌మ‌స్య త‌గ్గ‌డంతో పాటు మ‌ర‌లా రాకుండా ఉంటుంది. అలాగే వాంతులతో బాధ‌ప‌డే వారు ఈ అడ‌వి దొండ‌లో ఉండే గింజ‌ల‌ను పొడిగా చేసుకోవాలి. ఈ పొడిని ఒక గ్రాము మోతాదులో తేనెతో క‌లిపి తీసుకోవ‌డం వ‌ల్ల వాంతులు త‌గ్గుతాయి. ఈ అడ‌వి దొండ తీగ‌లో ప్ర‌తి భాగం కూడా మ‌న‌కు ఎంత‌గానో ఉపయోగపడుతుంది. దీనిని ఎక్కువ‌గా డ‌యాబెటిస్ కు సంబంధించిన మందుల త‌యారీలో ఉప‌యోగిస్తారు. ఈ దొండ ఆకుల ర‌సాన్ని 5 నుండి 10 గ్రాముల మోతాదులో క్ర‌మం త‌ప్ప‌కుండా 40 రోజుల పాటు తీసుకోవ‌డం వ‌ల్ల డ‌యాబెటిస్ పూర్తిగా అదుపులోకి వ‌స్తుంది. ఈ ఆకుల ర‌సాన్ని తీసుకోవ‌డం వ‌ల్ల డ‌యాబెటిస్ వ‌ల్ల క‌లిగే ఇత‌ర స‌మ‌స్య‌ల బారిన కూడా ప‌డ‌కుండా ఉంటారు. అలాగే ఈ కాకి దొండ ఆకుల ర‌సాన్ని గేదె పెరుగుతో క‌లిపి తీసుకుంటే వారం రోజుల్లోనే కామెర్ల వ్యాధి త‌గ్గు ముఖం ప‌డుతుంది.