నిత్య ప్రార్థన (విద్యార్థులకు) (18 శ్లోకాలు)
1.శుక్లాంబర ధరం విష్ణుం, శశివర్ణం చతుర్భుజమ్|
ప్రసన్న వదనం ధ్యాయేత్, సర్వ విఘ్నోప శాన్తయే||
2.అగజానన పద్మార్కం, గజానన మహర్నిశం |
అనేకదం తం భక్తానాం, ఏక దన్త ముపాస్మహే||
3.వాగర్థావివ సంపృక్తౌ, వాగర్థ ప్రతిపత్తయే|
జగతః పితరౌ వన్దే, పార్వతీపరమేశ్వరౌ||
4.ఆపదా మపహర్తారం,
దాతారం సర్వ సంపదామ్|
లోకాభిరామం శ్రీరామం,
మోక్షదం తం నమా మ్యహమ్||
5.బుద్ధి ర్బలం యశో ధైర్యం, నిర్భయత్వ మరోగతా|
అజాడ్యం వాక్పటుత్వంచ,హనుమత్స్మరణా ద్భవేత్||
6.శ్రీవత్సాంకం మహోరస్కం, వనమాలా విరాజితమ్|
శంఖచక్ర ధరం దేవం, కృష్ణం వన్దే జగద్గురుమ్||
7.సరస్వతి! నమస్తుభ్యం, వరదే కామరూపిణి!
విద్యారంభం కరిష్యామి, సిద్ధి ర్భవతు మే సదా ||
8.పద్మపత్ర విశాలాక్షీ పద్మకేసర వర్ణినీ
నిత్యం పద్మాలయా దేవీ సా మాం పాతు సరస్వతీ
భగవతీ భారతీ నిశ్శేష జాడ్యాపహా ! ||
9.గురవే సర్వలోకానాం, భిషజే భవరోగిణామ్|
నిధయే సర్వ విద్యానాం, దక్షిణామూర్తయే నమః||
10.జ్ఞానానన్దమయం దేవం, నిర్మల స్ఫటికాకృతిమ్|
ఆధారం సర్వ విద్యానాం, హయగ్రీవ ముపాస్మహే||
11.గురు ర్బ్రహ్మా గురు ర్విష్ణుః, గురు ర్దేవో మహేశ్వరః|
గురు స్సాక్షా త్పరంబ్రహ్మ, తస్మై శ్రీ గురవే నమః||
12.కృష్ణద్వైపాయనం వ్యాసం, సర్వలోక హితే రతమ్|
వేదాబ్జ భాస్కరమ్ వన్దే,శమాది నిలయం మునిమ్||
13.రత్నాకరా ధౌతపదాం, హిమాలయ కిరీటినీమ్|
బ్రహ్మరాజర్షి రత్నాఢ్యాం, వన్దే భారత మాతరమ్||
14.జననీ జన్మభూమి శ్చ, స్వర్గా దపి గరీయసీ||
15.స్వధర్మే నిధనం శ్రేయః, పరధర్మో భయావహః||
16.పరోపకారః పుణ్యాయ, పాపాయ పర పీడనమ్||
17.ప్రకృతిః పంచభూతాని, గ్రహ లోకా స్స్వరా స్తథా|
దిశః కాల శ్చ సర్వేషాం,సదా కుర్వన్తు మంగళమ్||
18.సచ్చిదానన్ద రూపాయ, వ్యాపినే పరమాత్మనే|
నమో వేదాన్త వేద్యాయ, గురవే బుద్ధిసాక్షిణే ||
**లోకా స్సమస్తా స్సుఖినో భవన్తు!**