🌹జానక్యాః కమలామలాంజలి పుటే యాః పద్మరాగాయితాః
న్యస్తాః రాఘవ మస్తకే చ విలసత్‌ కుంద ప్రసూనాయి తాః
స్రస్తాఃశ్యామలకాయ కాంతికలితాఃయాః ఇంద్ర నీలాయితాః
ముక్తాః తాః శుభదాః భవంతు భవతాం శ్రీ రామవైవాహికాః ||🌹
🌿సీతారాముల వంటి దాంపత్యము, అన్యోన్యత అబ్బాలి అని వారి బొమ్మ లేకుండా శుభలేక వెయ్యరు.
🌸ప్రాతఃస్మరణీయులు అపర శివావతారులు, లోకమునకు ధర్మము చెప్పిన చంద్రశేఖరేంద్ర సరస్వతీ స్వామివారు తరచుగా సీతారాముల ముద్ర లేకుండా వెయ్యవద్దు అని దంపతులు అంటే ఎలా బ్రతకాలో నేర్పినవారు సీతారాములే అని చెపుతూ ఉండేవారు.
🌿వాళ్ళు ఇద్దరూ నోరు విప్పి మాట్లాడుకోనక్కరలేదు ఆయన ఆవిడ వంక చూస్తే ఆవిడకు అర్ధము అవుతుంది, ఆవిడ ఆయన వంక చూస్తే ఆయనకు అర్ధము అవుతుంది.
🌸పట్టాభిషేక సందర్భములో హనుమకు తెల్లని వస్త్రములు ఇచ్చారు. అందరికీ అన్నీ ఇచ్చిన తరవాత అన్నీ ఇచ్చేసాక సీతమ్మ మెడలో నుంచి ఒక హారము తీసి పట్టుకున్నది.
🌿రాముడు చూసి అన్నీ అందరకూ ఇచ్చాము కదా! ఎవరిని అయినా మర్చిపోయామా? అంటే సీతమ్మ మనసు రాముడికి అర్ధము అయినట్టు కాదు.
🌸అలా అడిగితే రాముడు తనని అర్ధము చేసికోవలసినట్లు తను అనుగమించ లేదు అని ఆమె అనుకుంటుంది.
🌿రాముడు, సీతా ! నీయొక్క ఐదవతనమునకు కారణము అయినవాడు. మన ఇద్దరి శాంతికి కారణము అయినవాడు, పౌరుషవంతుడు, బుద్ధిమంతుడు, పరాక్రమ వంతుడు, నవవ్యాకరణ పండితుడు, జితేంద్రియుడైన వాడికి ఇయ్యి అంటే ఆమె ఆ హారము హనుమకు ఇచ్చింది.
🌸వారిద్దరి మనసులు మాట్లాడుకుంటాయి దాంపత్యము అంటే అది.
తనకు అటువంటి భర్త అని సీతమ్మ, అటువంటి భార్య తనకు అని రామయ్య ఎంతో పొంగిపోయారు.
🌿వాళ్ళు ఇద్దరూ ఎప్పుడూ సంతోషమునే పొందారా? ఇద్దరి మధ్య ఒరిపిడి లేదా అంటే ఉన్నది. ఆయన భార్యగా ఒరిపిడి పొంది తీరింది. కానీ ఆమె పొందిన కీర్తి యుగముల తరవాత కూడా నిలబడిపోయింది.
🌸 ధర్మమునందు దాంపత్యమును కూడా విడచి పెట్టని ఒరిపిడి ఉంటుంది. ఒకరికి ఒకరు కట్టుకున్నందుకు అనుభవిస్తారు. దుఃఖము, కష్టము, బాధ ఉంటుంది.
🌿కన్నీళ్లు ఉంటాయి కానీ దాని వెనక మాత్రము చెరకుకఱ్ఱ నమిలినప్పుడు వచ్చిన తీపి ఉంటుంది. అది ఎప్పటికీ నిలబడిపోయి తరవాత వంశములలో పెళ్ళిళ్ళు జరిగినప్పుడు వాళ్ళల్లా బ్రతకండి అని ఆదర్శము చూపిస్తారు. అది ధర్మమును సాధన చెయ్యడములో ఉండే గొప్పదనము...స్వస్తీ.