🌿మధ్యందినర్ అనే మహర్షి
నిత్యం పరమేశ్వరుని పూజిస్తూ వుండేవాడు. ఆయనకు వరప్రసాదంగా ఒక కుమారుడు కలిగాడు. ఆయన పుత్రుడు కూడా పరమ శివభక్తుడు అయ్యాడు.
🌸ప్రతిదినమూ ప్రాతఃకాలమునే లేచి తేనెటీగలు పూవులను చేరకముందే శివ పూజకై స్వఛ్ఛమైన పెద్ద పెద్ద పువ్వులు సేకరించాలని తపించేవాడు.
కానీ తేనెటీగలు తాకని పూవులను సేకరించడం కష్టసాధ్యమయింది.
🌿 అందువలన ఆదిమూలనాదర్ ని ప్రార్ధించాడు. స్వామి అనుగ్రహం వలన అంధకారంలో కూడా సుస్పష్టంగా చూడగల కాంతివంతమైన నేత్రాలను, ఎంతటి పెద్ద వృక్షాలనైనా సునాయాసంగా పట్టుకొని ఎక్కడానికి వీలుగా పులిగోళ్ళవంటి గోళ్ళతో దృఢమైన పాదాలను పొందాడు.
🌸అందువలన అతనికి వ్యాఘ్రపాదుడనే పేరు వచ్చింది. ఈశ్వర వరప్రసాదియైన వ్యాఘ్రపాదుని చూచి మధ్యందర మహర్షి చాలా ఆనందించాడు.
🌿వ్యాఘ్రపాదుని తండ్రి మధ్యందర మహర్షి శివ పూజ చేసిన ఆలయానికి ఎదురుగా వున్న తీర్ధమే పులిమేడు తీర్ధం. ఈ తీర్ధం ఒడ్డున
సుడలైమాడన్ ఆలయం వున్నది.
🌸అక్కడ మరణించినవారికి సద్గతులు లభించి మోక్షం పొందడానికి పితృకార్యాలు నిర్వహించి ఆ పుష్కరిణిలో అస్థికలు నిమజ్జనం చేస్తారు.
🌿ఈ పుష్కరిణి లో కలిపిన అస్థికలు
నామరూపాలు లేకుండా కరిగిపోవడం ఒక విశేషం. మరుజన్మలేని మోక్షం యిచ్చే తీర్ధం పులిమేడు తీర్ధం.
🌹🙏శివ ప్రియా
(శివబ్రహ్మ తీర్ధం).తిల్లై కాళి ఆలయం..🙏🌹
🌸చిదంబరం ఆలయానికి ఉత్తర దిశలో 2 కి.మీ దూరాన వున్న శివప్రియా
అనే తీర్ధం ఒడ్డున తిల్లై అమ్మవారి ఆలయం వున్నది.
🌿పతంజలి మహర్షి, వ్యాఘ్రపాద మహర్షి
ప్రార్ధనలను అనుగ్రహించి
తిల్లై వనంలో నటరాజస్వామి ఆనందతాండవం చేశాడు.
🌸కాళికాదేవి పరమేశ్వరునితో పోటీగా
నృత్యం చేసి ఓడిపోయిన స్థలమిదే. ఆగ్రహంతో ఊగిపోయిన కాళికను
బ్రహ్మాది దేవతలు వచ్చిశాంతపరిచారు.
🌿ఆ అంబికయే బ్రహ్మ చాముండి ' తిల్లై అమ్మవారిగా, తిల్లైవన రక్షకురాలిగా తిల్లైవన సరిహద్దులలో వెలసినది. ఆ కాళీ ఆలయ తీర్ధమే శివప్రియా తీర్ధం. ఇక్కడ స్నానచేసేవారికి మనశ్శాంతి కలుగుతుంది.
🌹🙏నాగ చేరి తీర్థం :🌹🙏
🌸మహావిష్ణువు అంగీకారంతో పతంజలిగా అవతరించి
తిల్లై వనం వచ్చిన ఆదిశేషువు , వ్యాఘ్రపాదునితో కలసి
ఆది మూలనాదరు గురించి తపస్సు చేసి పరమేశ్వరుని వరంతో ఆనందతాండవం దర్శనభాగ్యం పొంది
ప్రసిధ్ధి చెందేడు.
🌿ఆ సమయంలో ఆదిశేషువు వచ్చిన బిల ద్వార తీర్ధమే నాగచేరి తీర్ధం.
ఈ తీర్ధం చిదంబర ఆలయానికి ఉత్తర పశ్చిమంగా 4 కి.మీ దూరంలో వున్నది.
🌹🙏బ్రహ్మ తీర్ధం(వశిస్ట తీర్ధం):🌹🙏
🌸కుష్టు వ్యాధి సోకిన గౌడదేశపు రాజు సింహవర్మ అనేక ఆలయాలను దర్శిస్తూ
తన కుల గురువైన వశిస్ఠునితో చిదంబరం వచ్చాడు.
🌿సింహవర్మ ఆలయ ఉత్తర పశ్చిమాన వున్న ఒక వనంలో ఆశ్రమం నిర్మించుకుని శివుని పూజిస్తూ వచ్చాడు. బ్రహ్మ జ్ఞానాన్ని అపేక్షిస్తూ భక్తితో అక్కడ బ్రహ్మపురీశ్వరుడు పేరిట ఒక శివలింగం ప్రతిష్టించాడు.
🌸పిదప నిత్యమూ శివగంగ పుష్కరిణి లో స్నానం చేసి సంపూర్ణ ఆరోగ్యం
పొందేడు సింహ వర్మ . ఆ రాజు చిదంబరం ఆలయాన్ని చాలా
అభివృద్ధి పరిచాడు.
🌹🙏తిరుపాల కడలి తీర్థం :🌹🙏
🌿వశిస్టుడు సింగార తోపులో తపస్సు చేసుకుంటున్నప్పుడు, ఆయనను
పతంజలి మహర్షి, వ్యాఘ్రపాద మహర్షి వచ్చి దర్శించారు. అప్పుడు వశిష్టుడు తమ సోదరినిచ్చి వ్యాఘ్రపాదునికి వివాహం చేసేరు.
🌸 ఆ దంపతులకి ఒక పుత్రుడు జన్మించాడు. ఆ బాలునికి ఉపమన్యు అని పేరు పెట్టేరు. ఉపమన్యు తాత
వశిష్టుని మామ్మ అరుంధతి పెంపకంలో, కామధేనువు పాలు త్రాగి పెరిగి పెద్దవాడయ్యాడు.
🌿కొంతకాలం తరువాత అరుంధతి ఉపమన్యుని అతని తల్లిని వ్యాఘ్రపాదుని ఆశ్రమంలో వదలివేసినది.
🌸వ్యాఘ్రపాదుడు తమ ఆశ్రమంలోని గోవు పాలు ఉపమన్యుకి ఇవ్వగా అవి
వద్దని కామధేనువు పాలే కావాలని ఉపమన్యు పట్టుపట్టాడు.
🌿ఏం చేయాలో తోచక వ్యాఘ్రపాదుడు నటరాజస్వామిని వేడుకున్నాడు.
పరమేశ్వరుడు పాల కడలిని వ్యాఘ్రపాదునికి అనుగ్రహించాడు.
🌸ఉపమన్యు ఆ పాలను త్రాగి తండ్రి వద్ద విద్యలు నేర్చుకొని బ్రహ్మ జ్ఞాని అయ్యాడు.. నటరాజస్వామి ఏర్పరచిన తిరు పాల కడలి ఆలయానికి ఉత్తర దిశలో వున్నది.
🌹🙏అనంత తీర్ధం..🌹🙏
🌿పతంజలి మహర్షి తన ఆత్మార్ధ పూజకోసం ఒక శివలింగం ప్రతిష్టించి
పూజిస్తూండేవాడు.
ఆ శివలింగం చిదంబరానికి దక్షిణ దిశలో వున్నది.
ఆదిశేషువు అంశ అయిన
పతంజలి మహర్షి నిర్మించిన ఆలయమైనందున అనంతేశ్వరం అనే పేరు కలిగింది.
🌸సుందరమైన
అనంతేశ్వరుని ఆలయానికి ఎదురుగా వున్న తీర్ధమే అనంత తీర్ధం.
ఈ తీర్ధం లో స్నానం చేస్తే పూర్వజన్మ పాపాలు కూడా తొలగి పోతాయని
స్ధలపురాణం వివరిస్తోంది.
🌿వ్యాఘ్ర తీర్ధం, గుహ్య తీర్ధం(బంధాల నుండి విముక్తి కలిగించే తీర్ధం)
శివగంగ తీర్ధం లో కలుస్తాయి.
ఈ పుణ్యతీర్థాల దర్శనం ఎంతో శుభదాయకం...స్వస్తి...
No comments:
Post a Comment