హృదయ సంబంధిత సమస్యలపై సాధారణ వైద్య పరీక్షల కోసం ప్రముఖ కార్పొరేట్ ఆసుపత్రిని ఆశ్రయించిన ఒక వ్యక్తి, అనుకోకుండా ఊహించని విషయాన్ని ఎదుర్కొన్నారు. హార్ట్‌లో బ్లాక్స్ ఉన్నాయని వైద్యులు గుర్తించి, తక్షణమే ఆంజియోగ్రామ్ చేయించాలని, అవసరమైతే స్టంట్ వేయాల్సి వస్తుందని చెప్పారు. అయితే ఆ సమయంలో ఆంజియోగ్రామ్ చేయించేందుకు ఆయన ఆసక్తి చూపకపోవడంతో, తాత్కాలికంగా మందులు వ్రాయడం జరిగింది.
ఆ టాబ్లెట్లే ఆయనకు అప్పటినుండి ఇప్పటివరకు ప్రాణాధారంగా మారాయి. ప్రతి సంవత్సరం నిరంతరంగా బ్లడ్ కొలెస్టరాల్, ఈసీజీ, ఇతర ప్రాథమిక పరీక్షలు చేయించుకుంటూ, నూనె పదార్థాలు తగ్గించి ఆహార నియమాలను పాటిస్తూ ఆరోగ్యంగా జీవిస్తున్నారు.
కొన్నాళ్లకు మరో సమస్య – గాల్ బ్లాడర్ సంబంధిత సమస్యతో ప్రముఖ ఆసుపత్రిని సంప్రదించారు. గాల్ బ్లాడర్ శస్త్రచికిత్సకు ముందు, హార్ట్ సమస్యను పూర్తిగా తెలుసుకోవాలనే ఉద్దేశంతో ఆంజియోగ్రామ్ చేయగా, రెండు బ్లాక్స్ ఉన్నాయని, వాటిలో ఒకటి 85%, రెండవది 68% ఉన్నాయని తేలింది. స్టంట్ వేయాలన్న సలహా వచ్చినా, మొదట గాల్ బ్లాడర్ ఆపరేషన్ జరిపి, తరువాత స్టంట్ వేయాలని చెప్పారు. ఆ శస్త్రచికిత్స అనంతరం మాత్రం స్టంట్ శస్త్రచికిత్స చేయించుకోకుండా, మళ్లీ టాబ్లెట్లతోనే కొనసాగారు.
ఇప్పటికీ అదే రెండు మందులు – *క్లోపిడోగ్రెల్* మరియు *స్టాటిన్* – రోజూ వాడుతున్నారు. రక్తాన్ని పలుచగా ఉంచే ఈ మందులు బ్లాక్స్ పెరగకుండా నిరోధించడంతో పాటు, ఆరోగ్యం నిలకడగా ఉండేలా చేస్తున్నాయని వైద్యులు చెబుతున్నారు.
అయితే, ఇటీవల ఆయన ఒక ఆసక్తికరమైన విషయాన్ని గమనించారు – స్టంట్ వేయించినవారు కూడా ఇదే టాబ్లెట్లు జీవితాంతం వాడుతున్నారు. అంటే శస్త్రచికిత్స చేసుకున్నా, చేసుకోకపోయినా పరిస్థితి పెద్దగా మారడం లేదన్న అనుమానాలు ఆయనకు కలుగుతున్నాయి. అంతేగాక, స్టంట్‌ను శరీరం అంగీకరించేందుకు ఇవ్వబడే మందులు శరీరంలోని రోగనిరోధక వ్యవస్థను బలహీనపరచడం వల్ల, ఇతర వ్యాధులకు అవకాశం పెరుగుతున్నదని కొన్ని నివేదికలు చెబుతున్నాయి.
**“ఈ నేపథ్యంలో, లక్షల రూపాయలు ఖర్చు పెట్టి స్టంట్ వేయించుకోవడంలో నిజంగా ప్రయోజనం ఏంటి?”** అన్న ప్రశ్న ఆయన ఎత్తిచూపుతున్నారు.
ఇది ఒక్క వ్యక్తికే పరిమితం కాని ప్రశ్న కాదు. ఈయన అనుభవం అనేకమంది మధ్యతరగతి పేషెంట్ల ఆలోచనలకు ప్రతిధ్వనిగా నిలుస్తోంది. మెడికల్ రంగం నిత్యం అభివృద్ధి చెందుతుంటే, దీని ప్రయోజనాలు ప్రజల వరకు చేరాలంటే… అవగాహన, విశ్వసనీయ సమాచారం, సమగ్ర విశ్లేషణ అత్యవసరం.
**స్టంట్లు జీవిత రక్షకమా? లేక జీవితాంతం ఆధారపడే చికిత్సామా?**
ఈ ప్రశ్నకు సమాధానం రోగి పరిస్థితిపై ఆధారపడి ఉండొచ్చు. కానీ అది ఖచ్చితంగా ప్రజల మధ్య చర్చకు తీసుకొచ్చే ఒక అంశం.
**ఈ కథనంలోని విషయం, వైద్యవిశ్వాసాలను ప్రశ్నించాలన్న ఉద్దేశంతో కాదు. మరింత సమాచారం, స్పష్టత కోసం ప్రజల్లో చైతన్యం పెరగాలని ఆశతో.**
(సేకరణ)
No comments:
Post a Comment