🙏🌹శ్రీ అయ్యప్ప స్వామి దివ్య చరిత్ర - 6 వ అధ్యాయం...ప్రారంభం...!!🙏🌹
🌸🌿🌸🌿🌸🌿🌸🌿🌸🌿🌸
🌿సంతోషంతో తిరిగి వచ్చి వరగర్వంతో విజృంభించి స్వర్గాన్ని ఆక్రమించింది మహిషి ! భూలోకంలో తన శాసనాన్ని అమలు చేసింది. ‘‘ఇప్పటికి నా పగ చల్లారింది ! నా సోదరుడి మరణానికి ప్రతీకారం తీర్చుకున్నాను. హ.. హ.. హ! ఇక మూడు లోకాలలో నన్ను ఎదిరించే వారు లేరు!’’ అంటూ యధేష్టంగా వివరిస్తూ అందరినీ భయభ్రాంతులను చేయసాగింది మహిషి .
🌸‘‘తండ్రీ ! మీరిచ్చిన వరప్రభావంతో మహిషిలో గర్వాహంకారాలు విజృంభించి ఆమె చేస్తున్న దురాగతాలు హద్దుమీరిపోతున్నాయి. హరిహరులు , జగన్మాత కూడా చూస్తూ వున్నారు గానీ ఏ విధంగాను ఆ మహిషిని నిర్జించే మార్గం తెలియజేయటం లేదు. ఈ పరిస్థితిలో మీరే మాకు తరుణోపాయం తెలియజెప్పాలి!’’ అంటూ బ్రహ్మ దగ్గరకు వచ్చి దీనంగా మొరపెట్టుకున్నారు ఇంద్రాది దేవతలు.
🌿వాళ్లవైపు చిరునవ్వుతో చూస్తూ అభయం ప్రసాదించాడు బ్రహ్మదేవుడు.
‘‘దేవతలారా ! నిరాశ చెందకండి ! ప్రస్తుతం మహిషి తన కఠోర తపస్సుకు ఫలంగా సుఖభోగాలనుభవిస్తున్నది. ఆమె కోరిక అసాధారణ కోరిక తీరే సమయం కూడా దగ్గరపడుతున్నది.
🌸ఆ విషయం ఆమెకు తెలియకుండా ఉండడానికి తాత్కాలికంగా ఆమె దృష్టిని మరల్చే సమర్థుడు రాబోతున్నాడు! అలా చూడండి!’’ అంటూ కళ్లు మూసుకుని ద్యానించాడు.
🌿దేవతలందరూ సంభ్రమాశ్చర్యాలతో చూస్తుండగా సుందరదత్తుడు అక్కడకు వచ్చిన బ్రహ్మకు నమస్కరించాడు.‘‘సుందరదత్తా ! నీవల్ల కావలసిన దైవకార్యం ఒకటి వున్నది ! నీ శాపం చేత నీ భార్య లీలావతి మహిషిగా జన్మించి స్వర్గ , మర్త్యలోకాలలో శాంతి భద్రతలు కరువయ్యేలా చేస్తున్నది.
🌸నీవు వెంటనే సుందర మహిష రూపాన్ని ధరించి ఆమె ఆగడాలు అరికట్టడానికి ప్రయత్నించవలసింది’’ అని ఆదేశించాడు బ్రహ్మదేవుడు.
‘‘మీ ఆజ్ఞ శిరసావహిస్తాను ! కానీ విధాతా ! మోక్షాన్ని కోరి నేను చేస్తున్న తపస్సు విఘ్నమవడం నాకు చాలా విచారాన్ని కలిగిస్తున్నది. ఆమెనుండి నాకెప్పుడూ విముక్తి లభిస్తుందో తెలియజేయండి!’’ అని వేడుకున్నాడు సుందరదత్తుడు.
🌿 ‘‘దత్తా ! నీ తపస్సు భంగమైనందుకు విచారించవద్దు ! లీలావతి నీకిచ్చిన ప్రతి శాపాన్ని అనుభవించేవరకు నీ కర్మ పరిహారం కాదు ! అందుచేత మహిష రూపంలో ఆమెతో కలిసివున్నా నీ మనస్సు ఇంద్రియాలకు అతీతంగా ఎప్పుడూ ముక్తస్థితిలోనే వుంటుంది ! నీ కార్యం పూర్తవగానే నీవు పరమాత్మలో ఐక్యం కాగలవు!’’ అని సమాధానపరిచాడు బ్రహ్మదేవుడు.
🌸దత్తుడు సుందర మహిష రూపాన్ని పొంది మహిషి నివాసాన్ని చేరుకున్నాడు అల్లంత దూరం నుండి మహిషాన్ని చూస్తూనే మహిషిలో ఆనందం పొంగివచ్చింది. పరుగు పరుగున అతడిని చేరింది! స్వర్గ్భోగాలను , పరివారాన్ని విడిచి తనను కవ్విస్తున్న సుందర మహిషం వైపు అడవిలోకి వెళ్లిపోయింది.
అక్కడ ఆ జంట ఏకాంతాన్ని భంగపరిచే వారు లేరు ! బాహ్య ప్రపంచంతో సంబంధం లేకుండా కొన్ని సంవత్సరాలు ఆనందంగా విహరిస్తూ గడిపేసారు.
🌿 ‘‘మహిషి బెడద తాత్కాలికంగా తీరినా దాని అంతం మాత్రం మీ ఇరువురికి జన్మించే పుత్రుని చేతిలో మాత్రమే వుంది గదా ! హరిహరులారా ! ఇద్దరు పురుషులకు పుత్రుడు జన్మించే అవకాశం లేదనీ , అది ప్రకృతి విరుద్ధమనీ తెలిసే అటువంటి వరం కోరింది ఆ మహిషి !
🌸 ఆ అసాధ్యమైన కార్యం ఎట్లా సాధ్యవౌతుంది ? మహిషి మరణం ఏ విధంగా సంభవిస్తుంది స్వామీ’’ కుతూహలంగా హరిహరులవైపు చూస్తూ ప్రశ్నించాడు నారదుడు.
🌿 అవును స్వామీ ! సుందర మహిషాన్ని కూడి వున్న మహిషి ఎప్పుడు తిరిగి విజృంభిస్తుందో తెలియదు.
ఆ లోపల హరిహర పుత్రుడు జన్మించాలని మేమంతా ఆశతో ఎదురుచూస్తున్నాము అన్నారు ఇంద్రాది దేవతలు గూడా త్రిమూర్తులను దర్శించి !
🌸‘‘త్వరలోనే మీ కోరిక తీరగలదు ! వేచి వుండండి’’ అని అభయం ప్రసాదించి వాళ్లను పంపివేశారు శివకేశవులు. ‘‘పరమేశ్వరా ! ఇక నేను కూడా వైకుంఠానికి తిరిగి వెళతాను !’’ అంటూ లేచాడు మహావిష్ణువు అంతవరకు కైలాసంలోనే దేవతలతో సమావేశం జరిగింది.
🌿వాళ్లు వెళ్లాక మహావిష్ణువు వెళ్లడంతో పరమేశ్వరుడు ఆలోచనామగ్నుడైనాడు! అంతర్మందిరంలోనుండి కనిపిస్తున్న పుష్పోద్యానం వైపు దృష్టి సారించిన పరమశివుని కనుబొమ్మలు ముడివడ్డాయి.
🌸పుష్పోద్యానంలో అతిలోక లావణ్యవతియైన ఒక సుందరి నడయాడుతుండటం చూసి ‘ఎవరో జగన్మోహిని! ఈ వనంలోకి ఎలా వచ్చింది? వెళ్లి పలకరిస్తాను’’ అనుకుంటూ వనంలోకి ప్రవేశించాడు పరమేశ్వరుడు ఆమె అందం స్వామి మనస్సుకు ఆహ్లాదం కలిగించింది !
🌿 చిరునవ్వు మన్మథబాణంలా వచ్చి తగిలేసరికి విచలితుడౌతూ ‘‘సుందరీ ! ఎవరివి నీవు ? ఈ వనంలో ఒంటరిగా విహరిస్తున్న నిన్ను చూస్తుంటే నీతో జంటగా విహరించాలనిపిస్తున్నది సుమా!’’ అంటూ ఆమెను సమీపించాడు !
🌸ఆమె అంగీకారంగా ముసి ముసి నవ్వులు నవ్వి చేయందించడంతో ఇద్దరూ వనంలో విహరిస్తూ ఆనందించ సాగారు ! కళ్లలో కళ్లు కలిపి నాట్యం చేయసాగారు ! ఆ సమయంలో ఇద్దరి శరీరాల నుండి తేజస్సులు వెలువడి పచ్చని పచ్చికమీద ఒకటై క్రమంగా బాలునిగా రూపుదిద్దుకున్నాయి. జగన్మోహిని మాయమై ఆ స్థానంలో మహావిష్ణువు నిలిచాడు !
🌿 పరమేశ్వరుడు చిరునవ్వుతో చూస్తూ ‘‘నారాయణా! నీ విష్ణుమాయలో ఓలలాడించి నన్ను వివశుడిని చేసావు సుమా ! చమత్కారివే!’’ అన్నాడు.
🌸దివ్యతేజంతో ప్రకాశిస్తున్న బాలుడిమీద పుష్పవృష్టి కురిపిస్తూ ఆనందంతో జయజయధ్వానాలు చేశారు. విషయం తెలిసి వచ్చిన దేవగణాలు , బ్రహ్మ , నారదాది మునులు ! ‘‘హరి మాటల అంశతో ప్రభవించిన దివ్య శిశువుకు మా ప్రణామాలు ! ఈ బాలుడిని చూస్తుంటే మా కష్టాలిక త్వరలోనే తీరగలవన్న ఆనందంతో పరవశించిపోతున్నాయి మా హృదయాలు!’’ అంటూన్న దేవతలవైపు ప్రసన్నంగా చూసారు హరిహరులు !
🌿పరమేశ్వరుడు ‘‘ఈ బాలుని భూతనాధుడనే పేర భూతగణాలకు నాయకునిగా అభిషిక్తుడిని కావిస్తున్నాను ! నందీశ్వరాది ప్రమథ గణాల చేత పూజింపబడగలడు’’ అంటూ శిరస్సుమీద చేయి వుంచాడు.
🌸మహావిష్ణువు ఆ చేతిమీద తన హస్తాన్ని వుంచి ‘‘ధర్మశాస్తా అనే పేరుతో ధర్మానికి అధిదేవత కాగలడు ఈ చిరంజీవి!’’* అన్నాడు. తన కంఠం నుండి ఒక మణిహారాన్ని తీసి ఆ బాలుడి మెడలో వేశాడు మహావిష్ణువు. ‘‘దేవతలారా ! మణికంఠుడనే సార్థక నామంతో ఈ బాలుడు భూలోకంలో పన్నెండు సంవత్సరాలు రాజవంశంలో ప్రవర్థమానుడై మహిషిని సంహరించి మీకు ఆనందాన్ని కలిగిస్తాడు.
🌿 భూమిమీద ధర్మాన్ని సుస్థిరం కావిస్తాడు ’’ అని తెలియజెప్పాడు.
‘‘ధన్యులం స్వామీ ! ధన్యులం ! హరిహర పుత్రుడు మణికంఠునికి జయము! జయము!’’ అంటూ జయజయధ్వానాలు చేసి తృప్తిగా తిరిగి వెళ్లారు ఇంద్రాది దేవతలు.
🌹‘‘విప్ర పూజ్యం విశ్వ వంధ్యం విష్ణుం శంభు ప్రియం సుతం క్షిప్ర ప్రసాద నిరతం శాస్తారం ప్రణమామ్యహం’’🌹
🌸 అంటూ హరిహరుల మధ్య ఆసీనుడైన మణికంఠునికి నమస్కరించి ‘‘మహిషిని మర్దించగల వీరపుత్రుడు జన్మించాడు ! భూలోకం చేరి ఏమేమి వింతలు చూపనున్నాడో’’* అని ఆత్రంగా ఎదురుచూస్తున్నాము స్వామీ ! ఎప్పుడెప్పుడు ముక్తి లభిస్తుందని వ్యధ చెందుతున్న సుందర మహిషానికి విముక్తి ప్రసాదించినట్లే గదా ! నారాయణ ! నారాయణ ! అంటూ భూలోకం వైపు సాగిపోయాడు నారద మహర్షి !
🌿ఏకాగ్రతతో వింటున్న నైమిశారణ్య వాసులవైపు ప్రసన్నంగా చూస్తూ చెప్పడం కొనసాగించాడు సూత మహర్షి ! ‘‘శౌనకాది మునులారా ! హరిహర పుత్రుడైన భూతనాధుడు ఆవిర్భవించిన వైనం విన్నారు గదా ! ఆవిర్భవించిన వెంటనే యువకుడైన భూతనాథుడు కొంతకాలం కైలాసంలో ప్రమథ , భూత గణాల పూజలందుకుంటూ గడిపాడు !
🌸 పార్వతీ పరమేశ్వరులకు , గణపతి , కుమారస్వాములకు ఆనందాన్ని ప్రసాదించాడు ! అతనికి పూర్ణ - పుష్కళ అనే ఇద్దరు దేవకన్యలతో వివాహం జరిపించింది పార్వతీమాత...సశేషం...🙏
🌹తరువాయి భాగం రేపటి శీర్షికలో తెలుసుకుందాం.
🌿 పరమేశ్వరుడు చిరునవ్వుతో చూస్తూ ‘‘నారాయణా! నీ విష్ణుమాయలో ఓలలాడించి నన్ను వివశుడిని చేసావు సుమా ! చమత్కారివే!’’ అన్నాడు.
🌸దివ్యతేజంతో ప్రకాశిస్తున్న బాలుడిమీద పుష్పవృష్టి కురిపిస్తూ ఆనందంతో జయజయధ్వానాలు చేశారు. విషయం తెలిసి వచ్చిన దేవగణాలు , బ్రహ్మ , నారదాది మునులు ! ‘‘హరి మాటల అంశతో ప్రభవించిన దివ్య శిశువుకు మా ప్రణామాలు ! ఈ బాలుడిని చూస్తుంటే మా కష్టాలిక త్వరలోనే తీరగలవన్న ఆనందంతో పరవశించిపోతున్నాయి మా హృదయాలు!’’ అంటూన్న దేవతలవైపు ప్రసన్నంగా చూసారు హరిహరులు !
🌿పరమేశ్వరుడు ‘‘ఈ బాలుని భూతనాధుడనే పేర భూతగణాలకు నాయకునిగా అభిషిక్తుడిని కావిస్తున్నాను ! నందీశ్వరాది ప్రమథ గణాల చేత పూజింపబడగలడు’’ అంటూ శిరస్సుమీద చేయి వుంచాడు.
🌸మహావిష్ణువు ఆ చేతిమీద తన హస్తాన్ని వుంచి ‘‘ధర్మశాస్తా అనే పేరుతో ధర్మానికి అధిదేవత కాగలడు ఈ చిరంజీవి!’’* అన్నాడు. తన కంఠం నుండి ఒక మణిహారాన్ని తీసి ఆ బాలుడి మెడలో వేశాడు మహావిష్ణువు. ‘‘దేవతలారా ! మణికంఠుడనే సార్థక నామంతో ఈ బాలుడు భూలోకంలో పన్నెండు సంవత్సరాలు రాజవంశంలో ప్రవర్థమానుడై మహిషిని సంహరించి మీకు ఆనందాన్ని కలిగిస్తాడు.
🌿 భూమిమీద ధర్మాన్ని సుస్థిరం కావిస్తాడు ’’ అని తెలియజెప్పాడు.
‘‘ధన్యులం స్వామీ ! ధన్యులం ! హరిహర పుత్రుడు మణికంఠునికి జయము! జయము!’’ అంటూ జయజయధ్వానాలు చేసి తృప్తిగా తిరిగి వెళ్లారు ఇంద్రాది దేవతలు.
🌹‘‘విప్ర పూజ్యం విశ్వ వంధ్యం విష్ణుం శంభు ప్రియం సుతం క్షిప్ర ప్రసాద నిరతం శాస్తారం ప్రణమామ్యహం’’🌹
🌸 అంటూ హరిహరుల మధ్య ఆసీనుడైన మణికంఠునికి నమస్కరించి ‘‘మహిషిని మర్దించగల వీరపుత్రుడు జన్మించాడు ! భూలోకం చేరి ఏమేమి వింతలు చూపనున్నాడో’’* అని ఆత్రంగా ఎదురుచూస్తున్నాము స్వామీ ! ఎప్పుడెప్పుడు ముక్తి లభిస్తుందని వ్యధ చెందుతున్న సుందర మహిషానికి విముక్తి ప్రసాదించినట్లే గదా ! నారాయణ ! నారాయణ ! అంటూ భూలోకం వైపు సాగిపోయాడు నారద మహర్షి !
🌿ఏకాగ్రతతో వింటున్న నైమిశారణ్య వాసులవైపు ప్రసన్నంగా చూస్తూ చెప్పడం కొనసాగించాడు సూత మహర్షి ! ‘‘శౌనకాది మునులారా ! హరిహర పుత్రుడైన భూతనాధుడు ఆవిర్భవించిన వైనం విన్నారు గదా ! ఆవిర్భవించిన వెంటనే యువకుడైన భూతనాథుడు కొంతకాలం కైలాసంలో ప్రమథ , భూత గణాల పూజలందుకుంటూ గడిపాడు !
🌸 పార్వతీ పరమేశ్వరులకు , గణపతి , కుమారస్వాములకు ఆనందాన్ని ప్రసాదించాడు ! అతనికి పూర్ణ - పుష్కళ అనే ఇద్దరు దేవకన్యలతో వివాహం జరిపించింది పార్వతీమాత...సశేషం...🙏
🌹తరువాయి భాగం రేపటి శీర్షికలో తెలుసుకుందాం.
No comments:
Post a Comment